لاڑکانہ: میٹرک کے امتحانات میں طالبات سے موبائل فونز برآمد

لاڑکانہ (قدرت روزنامہ)سندھ بھر میں نویں اور دسویں جماعت کے سالانہ امتحانات کا آغاز ہو گیا ہے۔لاڑکانہ میں میٹرک کے امتحانات میں شریک متعدد طالبات سے موبائل فونز برآمد ہوئے۔کئی جگہوں پر کھلے عام نقل کا سلسلہ بھی جاری رہا۔
لاڑکانہ میں متعدد امتحانی مراکز میں بجلی بند ہونے سے شدید گرمی میں طلباء پسینہ سے شرابور ہو گئے۔
دوسری جانب حیدرآباد کے تمام اضلاع میں 144 کے نفاذ کے تحت امتحانی سینٹر میں پانچ سے زائد افراد کے جمع ہونے پر پابندی عائد کی گئی ہے۔جیکب آباد میں امتحانی سینٹرز کے باہر پولیس کی بھاری نفری تعینات ہے۔