عائزہ اور دانش دبئی میں نامور بھارتی گلوکارہ نیہا ککڑ کے ساتھ

(قدرت روزنامہ)پاکستانی شوبز انڈسٹری کی نامور جوڑی میں سب سے پہلا نام عائزہ خان اور دانش تیمور کا آتا ہے جن کی محبت کی داستانیں پوری انڈسٹری میں مشور ہیں۔

اداکارہ عائزہ خان اور اداکار دانش تیمور کی ایک دوسرے سے محبت اور بونڈنگ کے پوری انڈسٹری میں چرچے ہیں ۔

اس جوڑے کو ہر کوئی ایک آئیڈیل جوڑے کی مانند تسلیم کرتا ہے اور ان کی محبت کی مثالیں بھی دی جاتی ہیں۔

حال ہی میں اس جوڑی کی جانب سے انسٹاگرام پر ایک سیلفی پوسٹ کی گئی ہے جس میں انہیں بھارتی نامور گلوکارہ کے ہمراہ دیکھا گیا ہے۔

اس سیلفی میں دیکھا جاسکتا ہے کہ اداکارہ عائزہ خان اور اداکار دانش تیمور بھارتی نامور گلوکارہ نیہا ککڑ اور ان کے شوہر کے ساتھ دبئی میں موجود ہیں۔

اس سیلفی کو دیکھ کر اندازہ لگایا جاسکتا ہے کہ عائزہ خان اور دانش تیمور، نیہا ککڑ سے ملاقات پر بہت خوش ہیں جبکہ بھارتی گلوکارہ بھی خوش نظر آرہی ہیں۔

اس تصویر کو دانش تیمور کی جانب سے بھی سوشل میڈیا پر شیئر کیا گیا ہے۔

خیال رہے کہ عائزہ خان نے 18 سال کی عمر میں اداکارہ کی حیثیت سے اپنے کیریئر کا آغاز کیا تھا جبکہ دانش تیمور نے نے اپنے کیریئر کا آغاز 2005 میں کیا تھا۔

عائزہ خان نے 2014 میں اداکار دانش تیمور سے شادی کی اور 2015 میں ایک بیٹی کو جنم دیا تھا اور 2017 میں ان کے گھر ایک بیٹے کی پیدائش ہوئی تھی۔