روس سے سستا تیل پاکستان آئے گا، امریکہ کو اعتراض ہے یا نہیں ؟ مصدق ملک نے بتا دیا

کراچی (قدرت روزنامہ) وزیرِ مملکت مصدق ملک نے کہا ہے کہ روس سے سستا خام تیل آ رہا ہے، موجودہ حکومتی پالیسیوں کے باعث روس سے سستا تیل پاکستان آئے گا، روس سے تیل خریدنے پر کوئی دباؤ نہیں، امریکا کا کہنا ہے روسی تیل کی خریداری پر اعتراض نہیں .

"جیو نیوز " کے مطابق روس کی نجی شپنگ کمپنی کے جہاز کی کراچی پورٹ آمد پر تقریب کا انعقاد کیا گیا، تقریب سے خطاب کرتے ہوئے وزیرِ مملکت مصدق ملک نے کہا کہ پاکستان روس اور سینٹرل ایشیا کا گیٹ وے ہے .

خلیجی ریاست سے 2 پیٹرول کے جہاز خریدنے کے لیے معاہدہ کریں گے، دنیا پاکستان کو تجارت میں آگے دیکھنا چاہتی ہے . کم قیمت والے روسی تیل سے عوام کو فائدہ ہوگا، ایران سے گیس خریدنا چاہتے ہیں لیکن پاکستان پر پابندی بھی نہیں چاہتے . عمران خان نے ہر معاملے کو سیاسی بنایا .

انہوں نے کہا کہ کوشش ہے وسط ایشیاء ممالک سے دوستی مزید بڑھائیں، پاکستان وسط ایشیائی ممالک سے تجارت بڑھانےجا رہا ہے . 10 ارب ڈالر کی ریفائنری میں سرمایہ کاری کا اعلان جلد ہوگا . منڈیوں تک آسان رسائی نہ ہونے کے باعث نصف پھل ضائع ہو جاتے ہیں، ہمیں سائنس اور ٹیکنالوجی ون کوریڈور بنانا ہے .

علاوہ ازیں تقریب سے خطاب کرتے ہوئے وزیر توانائی خرم دستگیر نے کہا کہ روس کے ساتھ دیرینہ تعلقات ہیں، پاکستان اور روس کے درمیان مستقل تجارتی رابطہ خوش آئند ہے .