(قدرت روزنامہ)قطری وزیر خارجہ شیخ محمد بن عبدالرحمن نے کہا ہے کہ قطر کی ترقی میں پاکستان کا اہم کردار ہے۔
تفصیلات کے مطابق قطری وزیر خارجہ شیخ محمد بن عبدالرحمن نے پاکستان کے وزیر خارجہ شاہ محمود قریشی کے ہم منصب کے ہمراہ مشترکہ پریس کانفرنس کرتے ہوئے کہا کہ پاکستان ہمارا اسٹریٹجک پارٹنر ہے، اقتصادی, دفاعی اور دیگر شعبوں میں ہمارے بہترین تعلقات ہیں۔
شیخ محمد بن عبدالرحمن نے کہا کہ افغانستان میں امن عمل کیلئے قطر اور پاکستان نے سہولت کار کا کردار ادا کیا، افغانستان میں امن کیلئے پاکستان نے لیڈنگ کردار ادا کیا، ہماری خواہش ہے کہ افغانستان میں مکمل امن ہو۔
قطری وزیر خارجہ کا کہنا تھا کہ افغان عوام کی فلاح و بہبود کسی بھی سیاسی پیش رفت کے ساتھ اہم ہے، کابل ائیرپورٹ کی سیکیورٹی پر طالبان کے تعاون پر شکر گزار ہیں، ان سے مثبت رویے کی توقع ہے۔
انہوں نے کہا کہ آج پہلی کمرشل فلائٹ کابل ائیرپورٹ پر لینڈ کر سکی، ہم مستحکم اور خوشحال افغانستان دیکھنا چاہتے ہیں، ہمسایہ ممالک کو اس حوالے سے اہم کردار ہوگا۔
قطری وزیر خارجہ شیخ محمد بن عبدالرحمن نے کہا کہ میں نے وزیر خارجہ شاہ محمود قریشی کو اپنے مختلف ممالک کے ساتھ رابطوں پر آگاہ کیا، افغانستان میں مثبت کردار ادا کرنے پر حکومت پاکستان کے شکر گزار ہیں۔
ممبئی (قدرت روزنامہ )بھارتی اداکارہ اور ماڈل اورشی روٹیلا نے ایک بار پھر نسیم شاہ…
اسلام آباد(قدرت روزنامہ) تحریک انصاف سے تعلق رکھنے والے سینیٹر شبلی فراز کا نام سفری…
اسلام آباد(قدرت روزنامہ)وفاقی وزیر دفاع خواجہ آصف نے کہا ہے کہ ہماری بہادر فوج کا…
اسلام آباد (قدرت روزنامہ ) وفاقی وزیر داخلہ محسن نقوی نے کہا ہے کہ شنگھائی…
اسلام آباد(قدرت روزنامہ)جسٹس منصور علی شاہ کے سپریم کورٹ نہ آنے کے باعث انکی سربراہی…
لاہور (قدرت روزنامہ ) لاہور ہائیکورٹ نے سابق وزیراعلیٰ پنجاب چودھری پرویز الٰہی کے سابق…