کم مانگ کے باوجود لوڈشیڈنگ پی ڈی ایم حکومت کی نالائقی ہے: حماد اظہر

لاہور (قدرت روزنامہ)پی ٹی آئی رہنما حماد اظہر کا کہنا ہے کہ پچھلے برسوں سے کم مانگ کے باوجود لوڈشیڈنگ کا ہونا پی ڈی ایم حکومت کی نالائقی ہے۔یہ بات انہوں نے سماجی رابطے کی ویب سائٹ ٹوئٹر پر جاری کیے گئے بیان میں کہی ہے۔
ان کا کہنا ہے کہ پی ڈی ایم نے تمام پروفیشنلز کو ڈسکوز بورڈز سے نکال کر سیاسی لوگوں کو بھرتی کر لیا ہے۔

حماد اظہر کا یہ بھی کہنا ہے کہ پاور پلانٹس کی فیول سپلائی بھی پی ڈی ایم کی نالائقی کی زد میں آ گئی، کوئی پوچھنے والا نہیں ہے۔