حکومتی مدت 14 اگست کو ختم ہوگی، الیکشن کمیشن انتخابات کی تاریخ دیگا، وزیراعظم شہباز شریف

اسلام آباد(قدرت روزنامہ) وزیراعظم شہباز شریف نے کہا ہے کہ ہماری حکومت 14 اگست کو ختم ہو جائے گی اور الیکشن کمیشن آئندہ انتخابات کی تاریخ دے گا۔وزیراعظم نے اسلام آباد میں تقریب سے خطاب کرتے ہوئے کہا کہ ہماری حکومت کی مدت14اگست کوختم ہوجائےگی اور الیکشن کمیشن آئندہ انتخابات کی تاریخ دےگا۔
شہبازشریف نے کہا کہ وزیراعظم آتے جاتے رہتے ہیں،تعلیمی وظائف میں اضافہ ہونا چاہیے، دعاہےجوبھی حکومت آئےتعلیم کواولین ترجیح دے، ہمسایہ ممالک ترقی میں ہم سےآگےنکل گئےہم پیچھےرہ گئے۔
وزیراعظم نے کہا دعاہےآج آئی ایم ایف اجلاس میں معاہدےکی منظوری ہوجائے، آئی ایم ایف سےمعاہدہ فخریہ نہیں،لمحہ فکریہ ہے، چین نےبروقت میں ہماراہاتھ تھاما، چین کومحسوس ہوگیا کہ پاکستان مشکلات سےدوچارہے۔