موٹرسائیکل چلانے والوں کے لئے اہم خبر؛ حکومت کا اہم اعلان

لاہور (قدرت روزنامہ)موٹرسائیکل چلانے والوں کے لئے انتہائی اہم خبر آ گئی ہے۔تفصیلات کے مطابق لاہور میں بغیر ہیلمٹ موٹرسائیکل چلانے والوں کے خلاف کریک ڈاؤن میں تیزی آگئی جبکہ چالان کی مد میں جرمانہ بڑھانے کا بھی عندیہ دیدیا گیا ہے۔
ٹریفک پولیس نے بتایا کہ 14 روز میں 2 لاکھ 23 ہزار موٹرسائیکل سواروں کے چالان کیے جبکہ آئندہ چند روز میں ہیلمٹ نہ پہننے پر 2 ہزار روپے کا چالان ہوگا۔پابندی کے دوران ہیلمٹ کی قیمتیں بھی بڑھنے لگیں ہیں، ہیلمٹ کم ازکم 7 سو سے 3 ہزار روپے تک میں فروخت ہونے لگا۔
چیف ٹریفک آفیسر کے مطابق ہیلمٹ کی قیمتیں کنٹرول کرنے کے لیے ضلعی انتظامیہ سے مل کر اقدامات کیے جا رہے ہیں۔