بہادر خان ویمن یونیورسٹی پر سابق گورنر بلوچستان کا بیان بے حسی کا ثبوت ہے، پی ایس ایف
بلوچستان کی طلباء تنظیمیں گذشتہ کہیں سالوں سے سڑکوں پر اس بربریت اور شرمناک معاملے کے خلاف آواز اٹھاتے آرہے ہیں کہ یونیورسٹیوں میں مقتدر حلقوں کی جانب سے ایک منظم مافیا جنسی حراسگی اور بلیک میلنگ کے لیے سرگرم ہے اور وہ آج اس قدر طاقتور ہوگئے ہیں کہ صوبے کے گورنر ان کے سامنے بے بس ہیں . انہوں نے اپنے بیان میں مزید کہا کہ یہ ایک انفرادی واقعہ یا عام ہراسگی کا واقعہ نہیں ہے بلکہ ایک منظم پلان ہے. قاسم سوری جیسے لوگوں پر مہربان قوّتیں گزشتہ سات سال سے بلوچستان کے تعلیمی اداروں کے مائکرو مینجمنٹ پر قابض ہوگئے ہیں اور تمام آسامیوں پر اپنے جنسی درندوں اہلکاروں کو تعینات کیا جارہا ہے جس کا مقصد یونیورسٹیز میں جنسی درندگی کے ذریعے طالبات اور بلوچستان کے عوام کو نسوانی تعلیم سے بیزار کرنا ہے . ان کا کہنا تھا کہ کہ یونیورسٹیز میں خالی آسامیوں پر من مرضی کے مطابق اور میرٹ کے برخلاف بھرتیاں تعلیمی نظام کو مزید کھوکھلا کر رہی ہے جو پشتون سٹوڈنٹس فیڈریشن کو کسی صورت منظور نہیں ہے . انہوں نے مزید کہا کہ پشتون سٹوڈنٹس فیڈریشن کسی بھی حالت میں ان درندوں سے خوفزدہ نہیں ہے. ہم ہر فورم پر ان درندوں اور ان کے پس پردہ قوتوں کو بے نقاب کرتے رہیں گے اور طلباء و طالبات کے لیے سازگار تعلیمی ماحول کے تشکیل کے لیے کوشاں رہیں گے . ہم بلوچستان کے عوام، بالخصوص طلباء و طالبات کو آگاہ کرتے ہیں کہ ایسے سنگین معاملات پر ہر گز خاموشی اختیار نہ کریں اور انھیں کو بے نقاب کرنے کیلئے بھرپور کردار ادا کریں. . .
