سندھ میں کلھوڑو برادری کی مغوی خواتین بازیاب

سکھر(قدرت روزنامہ) پنوعاقل کے قریب گاہیجہ گاؤں میں قبائلی تصادم کے نتیجے میں ایک برداری کے دو نوجوان جاں بحق ہوگئے اور ایک بچی سمیت تین خواتین کو اغوا کرلیا گیا۔ایس ایس پی سکھر سنگھار ملک کی سربراہی میں پولیس نے رضا گوٹھ میں آپریشن کرتے ہوئے خواتین کے اغواء میں ملوث مھر برادری کے گھروں کا محاصرہ کرلیا۔

ترجمان سکھر پولیس کے مطابق مغویوں کی بازیابی کیلیے پولیس اور ملزمان کے درمیان فائرنگ کا تبادلہ ہوا۔ پولیس مقابلے میں گزشتہ روز کلھوڑو برادری کی اغوا کی جانے والی خواتین کو باحفاظت بازیاب کروالیا گیا۔
ایس ایس پی سکھر سنگھار ملک نے خواتین بہنوں کو سندھی ثقافت اجرک پہنائے اور اپنی نگرانی میں اہلخانہ کے حوالے کیا۔ایس ایس پی سکھر سنگھار ملک کا کہنا ہے کہ ملزمان کی گرفتاری کیلیے پولیس آپریشن جاری ہے اور واقعے میں ملوث کرداروں کو سخت سزا دی جائے گی۔

کلھوڑو برادری نے دو نوجوانوں کے قتل اور تین خواتین کے اغوا کے خلاف کئی گھنٹے تک قومی شاہراہ پر لاشیں رکھ کر دھرنا بھی دیا جو پولیس کی جانب سے ملزمان کی گرفتاری کی یقین دہانی پر ختم کیا گیا۔
واضح رہے کہ مھر برادری کی لڑکی اور کلہوڑو کے نوجوان کی جانب سے بھاگ کر پسند کی شادی کرنے پر مھر برداری کیا تھا۔