ایم کیو ایم کی رعنا انصار سندھ اسمبلی میں اپوزیشن لیڈر منتخب
رعنا انصار کو ایم کیو ایم کے 20، جی ڈی اے کے 10 اور پی ٹی آئی کے 9 منحرف ارکان کی حمایت ملی . اسپیکر سندھ اسمبلی آغا سراج درانی نے رعنا انصار کو اپوزیشن لیڈر بننے پر مبارک باد دی . دوران اجلاس اسپیکر نے رعنا انصار کو اپوزیشن لیڈر کی نشست پر بیٹھنے کا کہا . بعد ازاں سندھ اسمبلی کا اجلاس 2 اگست 11 بجے تک ملتوی کردیا گیا . دریں اثنا ایم کیو ایم کی رعنا انصار کے اپوزیشن لیڈر بننے سے سندھ میں پی ٹی آئی کو بڑا نقصان ہوا ہے . پاکستان تحریک انصاف سندھ میں نگراں حکومت کی مشاورت کی دوڑ سے باہر ہو گئی ہے . اب صوبائی نگراں حکومت کے لیے پیپلز پارٹی اور ایم کیو ایم میں مشاورت ہوگی . وزیر اعلیٰ سندھ سید مراد علی شاہ ایم کیو ایم کی اپوزیشن لیڈر رعنا انصار سے نگراں سیٹ اپ سے متعلق مشاورت کریں گے . بتایا گیا ہے کہ وزیر اعلیٰ سندھ سید مراد علی شاہ اگست کے پہلے ہفتے سے نگراں حکومت متعلق مشاورت شروع کریں گے . . .
