کوہلو میں گاڑی سیلابی ریلے میں بہہ گئی، سواریوں کی زندگی بچانے کیلئے چیخ و پکار

کوئٹہ(قدرت روزنامہ) بلوچستان کے علاقے کوہلو میں گاڑی سیلابی ریلے میں بہہ گئی جس میں سوار افراد چیخ و پکار کرتے رہے تاہم لیویز اور مقامی افراد نے ان کو ریسکیو کر لیا۔

نجی ٹی وی جیو نیوز کے مطابق کوہلو سمیت بلوچستان کے کئی علاقوں میں سیلابی صورت حال ہے، کوہلو میں موسلا دھار بارشوں کے بعد ندی نالوں میں طغیانی آ گئی، فاضل چیل کے مقام پر ایک گاڑی منہ زور سیلابی ریلے کی نذر ہو گئی، سواریاں زندگی بچانے کیلئے چیخ و پکار کرتی رہیں تاہم لیویز اور مقامی افراد نے باہمی تعاون سے اس میں سوار افراد کو ریسکیو کر لیا۔

فاضل چیل کے مقام پر ہی تودہ گرنے سے کاہان اور رحمان آباد کا زمینی راستہ منقطع ہو گیا، سڑک کی بحالی کیلئے لیویز اور ریسکیو ٹیمیں روانہ ہو گئیں۔