غسل کعبہ کی نئی تاریخ کا اعلان سامنے آگیا
مکہ مکرمہ (قدرت روزنامہ) سعودی عرب نے غسلِ کعبہ کی تقریب کا اعلان کر دیا . سالانہ غسلِ کعبہ کی تقریب کا اہتمام 15 محرم الحرام یعنی 2 اگست کو نمازِ فجر کے بعد کیا جائے گا .
ولی عہد شہزاہ محمد بن سلمان بھی تقریب میں شرکت کریں گے، مکہ مکرمہ کے گورنر شہزادہ خالد الفیصل خانہ کعبہ کی اندرونی دیواروں کو آبِ زم زم، عرقِ گلاب اور خوشبو سے دھوئیں گے جبکہ خانہ کعبہ کے فرش کو بھی آبِ زم زم، عرقِ گلاب اور عود کے عطر سے دھویا جائے گا . مسجد الحرام میں خانہ کعبہ کی اندرونی دیواروں اور فرش کو آبِ زم زم سے دھونے کے بعد ہاتھوں اور کھجور کے پتوں کی مدد سے خشک کیا جائے گا جبکہ دیواروں کو صاف کرنے کے لیے سفید کپڑے کا استعمال کیا جائے گا .
. .