ندا یاسر نے اپنے بچوں کی تصاویر سوشل میڈیا پر شیئر نہ کرنے کی وجہ بتادی

اسلام آباد (قدرت روزنامہ)معروف پاکستانی اداکارہ و میزبان ندا یاسر نے اپنے بچوں کی تصاویر سوشل میڈیا پر شیئر نہ کرنے کی وجہ بتادی ہے۔
حال ہی میں اداکارہ ندا یاسر اپنے شو میں انکشاف کیا کہ لوگ انہیں کہتے ہیں کہ آپ اپنے بچوں کو چھُپا کر کیوں رکھتی ہیں؟ اکیلے باہر چلی جاتی ہیں، انہیں بھی اپنے ساتھ لے جایا کریں۔

ان کا کہنا تھا کہ اب میں انہیں کیسے سمجھاؤں کہ میرے بڑے بچوں نے تو صاف صاف مجھ سے ایک بات کہہ رکھی کہ آپ ہماری لائف کو یوں سوشل میڈیا پر پوسٹ نہ کریں۔
انہوں نے کہا کہ اُن کے بچے چاہتے ہیں کہ میں آزادی کے ساتھ دوستوں کے ساتھ سیر و تفریح کروں، یہی نہیں میں خود بھی یہی سمجھتی ہوں کہ ان کی اپنی زندگی ہے۔