سسرالیوں کی دھمکیاں، ایف سی اہلکار نے بیوی، بچوں کے ہمراہ نوشکی پریس کلب میں پناہ لے لی

نوشکی (قدرت روزنامہ) احمدوال کے رہائشی اور ایف سی کے سپاہی اپنے بیوی اور بچوں کے ہمراہ ایک فریادی کے صورت میں نوشکی پریس کلب پہنچ کر پناہ لے لی اور نوشکی پولیس سے تحفظ کا مطالبہ کردیا ایف سی سپائی محمد طارق کے بیوی نے نوشکی پریس کلب میں پریس کانفرنس کرتے ہوئے کہاکہ کہ میرے دوبھائی مجھے میرے بچوں اور شوہر کو مارنا چاہتے ہیں انہوں نے جان سے مارنے کی دھمکی دیدی ہے ، میرا ایک بھائی کوئٹہ میں ٹیچر ہے ہمارے گھر پر حملہ آور ہوئے اور میرے شوہر کو شدید زدکوپ کرکے زخمی کردئیے ، ہم لوگ گھر سے بھاگ کر کسی ہمسائیہ کے گھر پناہ لئیے اور ادھر سے نوشکی پہنچ کر پریس کلب پہنچے ہیں ۔ ہمارے جان کو شدید خطرات لاحق ہے اس موقع پر خاتون کے شوہر محمد طارق امیر زئی مینگل نے میڈیا نمائندوں کو بتایا کہ میں کولپور میں ایف سی کا ملازم ہوں، خوف سے ڈیوٹی پر نہیں جاسکا ہوں کئی یہ میرے بال بچوں کو نقصان نہ پہنچائے، انہوں نے کہاکہ میں ایک یتیم شخص ہوں والدین فوت ہوچکے ہیں اور میرا کوئی بھائی نہیں اکلوتا ہوں ۔ مجھے پر حملہ آور ہونے والے میرے چچازاد بھائی اور انکے لڑکے ہیں جو رشتے میں میرے سالے بھی ہیں۔ بلاوجہ مجھے تنگ کرتے ہیں اور اپنے بہن کو اور مجھے مارنا چاہتے ہیں۔ سوموار کے روز بھی مجھے مارنے کی کوشش میں شدید زدوکوب کیا اور بھاگ کر ان سے اپنی جان بچائی ہے، جب میں پولیس تھانہ پہنچا اور ملزمان کے خلاف درخواست دی ہے مگر اس کے باوجود کوئی شنوائی نہیں ہورہی ہے ۔ ایس پی نوشکی اور ایس ایچ او نوشکی ہمیں تحفظ فراہم کریں اور حملہ آوروں کو گرفتار کریں تاکہ ہمیں نقصان نہ پہنچائے ، علاہ ازیں سوشل میڈیا پر مذکورہ فریادی کا خبر وائرل ہونے کے بعد ایس ایچ او خالد بادینی نوشکی پریس کلب پہنچے ۔ انہیں حال احوال کرنے کے بعد احمدوال ناکے کے پولیس ٹیم کو متعلقہ حملہ آوروں کے گرفتاری کی ہدایت دی۔ پولیس ایس ایچ او کے تسلی دینے کے بعد مذکورہ شخص محمد طارق اپنے بال بچوں کے ہمراہ نوشکی پریس کلب سے روانہ ہوئے اور جاتے وقت صحافیوں کا شکریہ ادا کیا کہ انہوں نے ہمارے فریاد کو حکام بالا تک پہنچایا۔