کئی سال کی شادی شدہ زندگی گزارنے کے بعد شوہر کی ایک اور مرد کے ساتھ شادی، شوہر کو مرد کے ساتھ شادی انتہائی مہنگی پڑگئی
لندن(قدرت روزنامہ) برطانیہ میں ایک خاتون کے شوہر نے شادی کے کئی سال بعد ایک مرد کے ساتھ بھی شادی کر لی . ڈیلی سٹار کے مطابق مارکس وائلڈ نامی اس شخص کا تعلق نوٹنگھم کے علاقے سنینٹن سے ہے، جس کی اہلیہ سوزان کے ہاتھ گزشتہ دنوں اس کی کچھ تصاویر لگیں .
یہ تصاویر عام نہیں تھیں بلکہ مارکس کی ایک اور مرد کے ساتھ شادی کی تصاویر تھیں، جنہیں دیکھ کر سوزان پر ایک قیامت گزر گئی . سوزان نے یہ انکشاف ہونے پر مارکس وائلڈ سے اس حوالے سے پوچھ گچھ کی تو اس نے اعتراف کر لیا کہ سوزان کا شوہر ہوتے ہوئے اس نے ایک مرد کے ساتھ شادی کی .
مارکس نے اعتراف کیا کہ وہ ہم جنس پرست ہے اور اس کی ہم جنس پرستی کی شادی تاحال قائم ہے . ا س نے یہ شادی نوٹنگھم کونسل ہاﺅس میں کی تھی . مارکس کے اس اعتراف کے بعد سوزان نے اس کے خلاف پولیس کو رپورٹ کر دی اور طلاق کے لیے بھی عدالت سے رجوع کر لیا . گزشتہ روز عدالت کی طرف سے مارکس کو شادی شدہ ہوتے ہوئے دوسری شادی کرنے کی پاداش میں 3ماہ قید کی سزا سنا دی گئی ہے .
