مستونگ میں دھماکہ ، حافظ حمد اللہ سمیت11 افراد زخمی ہو گئے

کوئٹہ (قدرت روزنامہ)مستونگ میں دھماکے کے نتیجے میں جے یو آئی (ف) کے رہنما اور پی ڈی ایم کے ترجمان حافظ حمد اللہ سمیت 11افرادزخمی ہو گئے . نجی ٹی وی ایکسپریس نیوز کے مطابق پولیس اور سکیورٹی اداروں کی بھاری نفری موقع پر پہنچ گئی اورجائے وقوعہ کو گھیرے میں لے لیا .

دھماکہ مستونگ قومی شاہراہ پر جوتو کے مقام پر ہوا ، نامعلوم دہشت گردوں کی جانب سے کئے گئے دھماکے میں11افراد زخمی ہو ئے جن میں 5 کالج طلبا بھی شامل ہیں . ریسکیو عملے نے زخمیوں کو ہسپتال منتقل کر دیا . بتایا گیا ہے کہ حافظ حمداللہ منگوچر جلسے میں شرکت کیلئے جار ہے تھے کہ مستونگ میں سڑک کنارے دھماکہ ہو گیا . سینیٹر غفور حیدری نے دھماکے کے بعد جلسہ ملتوی کر دیا . دھماک

ے کی زد میں وہاں سے گزرنے والی طلبا سے بھری ایک کالج وین بھی آ ئی جس میں موجود 5 طلبا زخمی ہوئے، زخمی ہونے والے طلبا کو بھی ہسپتال منتقل کر دیا گیا ہے .