کراچی (قدرت روزنامہ)نگراں وزیرِ اعلیٰ سندھ مقبول باقر نے نیو کراچی چلڈرن اسپتال کے دورے کے دوران کوویڈ 19 ایریا ختم کر کے او پی ڈی بنانے کی ہدایت کر دی۔ترجمان کے مطابق نگراں وزیرِ اعلیٰ سندھ مقبول باقر نے نیو کراچی چلڈرن اسپتال کا دورہ کیا۔
اس دوران ایک خاتوں نے نگراں وزیرِ اعلیٰ سندھ کو بتایا کی وہ اپنا بچہ یہاں لائی تھی لیکن اسے واپس بھیج دیا گیا، جس پر نگراں وزیراعلیٰ سندھ نے خاتون کی شکایت پرانکوائری کا حکم دے دیا۔
نگراں وزیرِ اعلیٰ سندھ مقبول باقر کو دورانِ بریفنگ بتایا گیا کہ اسپتال میں روزانہ 1200 مریضوں کی او پی ڈی ہوتی ہے۔
اسپتال کے دورے کے دوران مقبول باقر نے اسپتال میں مریضوں سے خیریت دریافت کی۔نگراں وزیرِ اعلیٰ سندھ مقبول باقر نے نیو کراچی چلڈرن اسپتال کی او پی ڈی کا معائنہ کرتے ہوئے نظر آنے والی گندگی پر ناراضی کا اظہار کیا۔
وزیرِاعلیٰ سندھ مقبول باقر نے کوویڈ 19 ایریا ختم کر کے او پی ڈی بنانے کی ہدایت کی۔نگراں وزیراعلیٰ سندھ نے ہدایت کی کہ اسپتال میں پودے لگا کر سرسبز اور اسپتال کی تزئین وآرائش کی جائے۔ بعد ازاں نگراں وزیراعلیٰ سندھ نے ریکارڈ روم کا بھی معائنہ کیا۔
ریکارڈ فرش پر پڑا دیکھ کر نگراں وزیراعلیٰ نے متعلقہ افسرکو ریکارڈ روم ٹھیک کرنے کی ہدایت کی۔اس دوران اُن کا کہنا تھا کہ چلڈرن اسپتال سندھ حکومت کا ہے لیکن سماجی تنظیم چلا رہی ہے۔ اُن کا کہنا تھا کہ نیوکراچی چلڈرن اسپتال میں این جی او بہترکام کر رہی ہے، سندھ حکومت این جی اوکی بھرپور مدد کرے گی۔
اسلام آباد (قدرت روزنامہ)لاہور ہائیکورٹ کے جسٹس فاروق حیدر نے جلسے کی اجازت اور جلسہ…
اسلام آباد (قدرت روزنامہ)حکومت نے مئی کے بعد سے اب تک پیٹرولیم مصنوعات کی قیمتوں…
اسلام آباد (قدرت روزنامہ)زمبابوے کی حکومت نے خشک سالی اور جنگلات میں لگنے والی آگ…
اسلام آباد (قدرت روزنامہ)بل گیٹس کی بیٹی فیب گیٹس نے کورونا ویکسین سے متعلق اپنے…
اسلام آباد (قدرت روزنامہ)پاکستان نے قومی ترانے پر کھڑے نہ ہونے کے معاملے پر افغان…
ممبئی(قدرت روزنامہ) بالی ووڈ اداکارہ اروشی روٹیلا نے بھارتی کرکٹر ریشبھ پنت کے ساتھ تعلقات…