ممبئی(قدرت روزنامہ)بالی ووڈ سمیت ہالی ووڈ میں کام کرنے والی معروف بھارتی اداکارہ پریانکا چوپڑا کی والدہ مدھو چوپڑا نے پرینیتی چوپڑا کی تصویر سوشل میڈیا سے ڈیلیٹ کردی۔
بھارتی میڈیا کے مطابق گزشتہ روز پریانکا چوپڑا کی والدہ مدھو چوپڑا نے اپنے انسٹاگرام اکاؤنٹ پر اداکارہ پرینیتی چوپڑا کی شادی کی تقریبات کی ایک دلکش تصویر پوسٹ کی تھی جس میں اداکارہ پیلے رنگ کے روایتی لباس میں ملبوس تھیں۔
تصویر میں پرینیتی چوپڑا بےحد خوش نظر آرہی تھیں جبکہ یہ تصویر پرینیتی کی چوڑا کی تقریب کے دوران لی گئی تھی۔
مدھو چوپڑا نے تصویر پوسٹ کرتے ہوئے کہا تھا کہ ‘خوش دلہن کے چوڑا کی تقریب’۔
تصویر پوسٹ کرنے کے چند گھنٹوں کے بعد ہی مدھو چوپڑا نے اپنے انسٹاگرام اکاؤنٹ سے پرینیتی چوپڑا کی یہ تصویر ڈیلیٹ کردی تھی تاہم یہ وجہ سامنے نہیں آئی کہ اُنہوں نے یہ تصویر ڈیلیٹ کیوں کی۔
واضح رہے کہ گزشتہ ماہ 24 ستمبر کو پرینیتی چوپڑا اور راگھو چڈھا نے بھارتی ریاست راجستھان کے شہر اودے پور میں شاہی انداز میں شادی کی، ان کی زندگی کے سب سے خاص دن پر اہلخانہ سمیت قریبی دوستوں نے شرکت کی۔
پرینیتی کی شادی کی تقریبات میں مدھو چوپڑا نے شرکت کی لیکن پریانکا چوپڑا اپنی کزن کی شادی میں شریک نہ ہوسکیں۔بھارتی میڈیا کے مطابق پرینیتی چوپڑا اور راگھو چڈھا کی شادی میں دہلی کے وزیر اعلیٰ اروند کیجریوال، پنجاب کے وزیر اعلیٰ بھگونت مان سمیت پاکستانی کرکٹر شعیب ملک کی اہلیہ ثانیہ مرزا نے بھی شرکت کی تھی۔
لاہور(قدرت روزنامہ)نائب امیر جماعتِ اسلامی، سیکرٹری جنرل ملی یکجہتی کونسل لیاقت بلوچ نے کہا ہے…
پنجگور(قدرت روزنامہ)پنجگور کے علاقے چتکان غریب آباد میں دو گروپوں کے درمیان خونی تصادم دو…
نوکنڈی(قدرت روزنامہ)کلی خواستی سائندک کے قبائلی رہنماء میر عبدالخالق نوتیزئی نے اپنے جاری کردہ بیان…
اسلام آباد (قدرت روزنامہ)خیبرپختونخوا کے محکمہ اینٹی کرپشن کی جانب سے نوٹس بھیجے جانے کے…
اسلام آباد (قدرت روزنامہ)عوامی نیشنل پارٹی (اے این پی) کے سربراہ و سینیٹر ایمل ولی…
اسلام آباد (قدرت روزنامہ)وزیر دفاع خواجہ آصف نے کہا ہے کہ ماضی میں حکمران اپنے…