سعد بیگ قیادت کریں گے۔ سیریز میں ایک چار روزہ میچ اور پانچ ون ڈے میچ شامل
لاہور (قدرت روزنامہ)سعد بیگ اس ماہ سری لنکا انڈر 19 کے خلاف ہونے والی سیریز میں پاکستان انڈر19 ٹیم کی قیادت کریں گے۔ کراچی کے نیشنل بینک اسٹیڈیم میں کھیلی جانے والی سیریز ایک چار روزہ میچ اور پانچ ون ڈے میچوں پر مشتمل ہوگی۔
گزشتہ روز انضمام الحق کی سربراہی میں اعلان کردہ سات رکنی جونیئر سلیکشن کمیٹی نے چار روزہ میچ کے لیے سولہ رکنی ٹیم کا انتخاب کرلیا ہے۔یہ میچ 15 سے 18 اکتوبر تک کھیلا جائے گا جس کے بعد 22 سے 31 اکتوبر تک پانچ ون ڈے میچ کھیلے جائیں گے جن کے لیے پاکستان انڈر 19 ٹیم کا اعلان اگلے ہفتے کیا جائے گا۔
سعد بیگ نے اس سال بنگلہ دیش کے دورے میں پاکستان انڈر 19 ٹیم کی قیادت کی تھی۔انہیں ان آٹھ کرکٹرز کی خدمات حاصل ہونگی جو بنگلہ دیش کے دورے میں چار روزہ میچ کھیلے تھے ان میں علی اسفند۔ عامر حسن ۔ عرفات منہاس۔ ازان اویس۔ محدم ابتسام ۔ محمد اسمعیل ۔ شاہ زیب خان اور وہاج ریاض شامل ہیں۔
ٹیم کے بقیہ سات میں سے چھ کھلاڑی وہ ہیں جنہوں نے اس وقت جاری قومی انڈر 19چیمپئن شپ میں عمدہ کارکردگی دکھائی ہے۔ پشاور کے احمد حسین تین میچوں میں 19 وکٹیں لے چکے ہیں۔ بہاولپور کے حمزہ نواز نے تین میچوں میں ایک سنچری اور دو نصف سنچریوں کی مدد سے 280 رنز بنائے ہیں۔ بہاولپور کے حذیفہ ایوب نے تین میچوں میں 15 وکٹیں حاصل کی ہیں۔پشاور کے محمد زبیر نے تین میچوں میں ایک سنچری اور ایک نصف سنچری کی مدد سے236 رنز اسکور کیے ہیں۔ کراچی وائٹس کے نوید احمد خان نے تین میچوں میں 20 وکٹیں حاصل کی ہیں اور راولپنڈی کے شاہ میر علی نے تین میچوں میں ایک سنچری اور ایک نصف سنچری کی مدد سے244 رنز اسکور کیے ہیں جبکہ ساتویں کھلاڑی ایمل خان اسوقت فاٹا کی طرف سے قائداعظم ٹرافی کے دو میچوں میں 6 وکٹیں لے چکے ہیں۔
پاکستان انڈر ٹیم منگل کی رات ٹیم ہوٹل میں یکجا ہوگی اور پھر دو دن ٹریننگ کرے گی۔
ٹیم ان کھلاڑیوں پر مشتمل ہے۔ سعد بیگ ( کپتان اور وکٹ کیپر) احمد حسین ۔ ایمل خان۔ علی اسفند۔ عامر حسن۔ عرفات منہاس۔ ازان اویس۔ حمزہ نواز۔ حذیفہ ایوب۔ محمد ابتسام۔ محمد اسمعیل۔ محمد زبیر۔ نوید احمد خان۔ شاہ میر علی۔ شاہ زیب خان اور وہاج ریاض۔
سیریز کا شیڈول۔
15 سے 18 اکتوبر چار روزہ میچ۔
22 اکتوبر۔ پہلا ون ڈے ۔
24 اکتوبر۔ دوسرا ون ڈے۔
27 اکتوبر۔ تیسرا ون ڈے۔
29 اکتوبر۔ چوتھا ون ڈے ۔
31 اکتوبر ۔ پانچواں ون ڈے ۔
لورالائی(قدرت روزنامہ)ٹرک ٹرانسپورٹ یونین کی جانب سے میختر کے مقام پر پہیہ جام ہڑتال جاری…
کوئٹہ(قدرت روزنامہ)صوبائی وزیر پبلک ہیلتھ انجینئرنگ سردار عبدالرحمن کھیتران نے کہا ہے کہ گزشتہ شب…
کوئٹہ(قدرت روزنامہ)وزیر اعلی بلوچستان میر سرفراز بگٹی کی زیر صدارت صوبے میں منظورہ شدہ ترقیاتی…
کوئٹہ(قدرت روزنامہ)بلوچستان کے ضلع ژوب کے سرکاری اسکول کے طلبہ کی امتحانی فیس آن لائن…
کوئٹہ(قدرت روزنامہ)بلوچستان میں پولیو کا ایک اور کیس رپورٹ ہوگیا،صوبے میں رواں سال پولیو کے…
کوہلو(قدرت روزنامہ)بلوچستان کے ضلع کوہلو میں قومی شاہراہ پر تیز رفتاری کے باعث باراتیوں کی…