لاہور(قدرت روزنامہ) نگراں وزیراعلیٰ پنجاب محسن نقوی نے میٹروبس اور سپیڈوبس سروس کے کرائے میں 15روپے اضافے کی سمری مسترد کر دی۔پنجاب ماس ٹرانزٹ اتھارٹی کے اجلاس میں کرائے میں اضافے کی سمری پیش کی گئی تھی۔ نگراں وزیراعلیٰ نے کہا کہ ریونیو میں اضافے کے لیے نئے اور منفرد انداز سے کام کیا جائے۔
لاہور ریلوے اسٹیشن تا گرین ٹاؤن الیکٹرک بسیں چلانے کی اصولی منظوری دی گئی۔ ورلڈ بینک کے تعاون سے لاہور میں پائلٹ پراجیکٹ کے تحت 27 الیکٹرک بسیں چلائی جائیں گی۔ اسلام آباد و راولپنڈی پاکستان میٹروبس سروس کے لیے بھی الیکٹرک بسیں چلانے کا فیصلہ کیا گیا۔
وزیراعلیٰ محسن نقوی نے راولپنڈی اور لاہور میں میٹروبس ٹریک کی تعمیر و مرمت کا حکم دیا ہے جبکہ قذافی اسٹیڈیم اور شاہدرہ ریلوے اسٹیشن کی تعمیر و مرمت اور تزئین و آرائش کی منظوری دی گئی۔پنجاب ماس ٹرانزٹ اتھارٹی کے اجلاس میں ڈیزل ہائبرڈ ری جنریٹو بسیں چلانے کی تجویز کا جائزہ لیا گیا۔ وزیراعلیٰ نے الیکٹرک بس سروس کے لیے فوری اقدامات کا حکم دیا۔
نگراں وزیراعلیٰ محسن نقوی نے پنجاب ماس ٹرانزٹ اتھارٹی میں انسانی وسائل کی کمی کو پورا کرنے کی منظوری دے دی۔ انہوں نے کہا کہ عوام کو معیاری اور محفوظ سفر کی سہولتیں فراہم کرنا چاہتے ہیں۔
سیکرٹری ٹرانسپورٹ نے بریفنگ میں بتایا کہ پنجاب ماس ٹرانزٹ اتھارٹی تقریباً سوا ارب مسافروں کا ہدف عبور کرچکی ہے اور اتھارٹی 6بس سروس سسٹم آپریٹ کر رہی ہے۔ اورنج لائن میٹرو ٹرین پر روزانہ 25ہزار طلبہ مفت سفر کر رہے ہیں، پنجاب ماس ٹرانزٹ اتھارٹی کو حکومت پاکستان کی طرف ڈویلپمنٹ لیڈر شپ کے ایوارڈ سے نوازا گیا ہے۔
نگراں وزیراعلیٰ پنجاب محسن نقوی کی زیر صدارت پنجاب ماس ٹرانزٹ اتھارٹی کے 24ویں اجلاس میں صوبائی وزیر ٹرانسپورٹ ابراہیم حسن مراد، سیکرٹری ٹرانسپورٹ، سیکرٹری فنانس اور پنجاب ماس ٹرانزٹ اتھارٹی کے حکام نے شرکت کی۔
کوئٹہ(قدرت روزنامہ)بلوچستان نیشنل پارٹی کے مرکزی بیان میں کہا گیا ہے کہ شدید گرمی میں…
کوئٹہ(قدرت روزنامہ)بلوچ یکجہتی کمیٹی کے آرگنائزر ڈاکٹر ماہ رنگ بلوچ نے ایک ویڈیو پیغام میں…
سبی(قدرت روزنامہ)واپڈا کے خلاف ضلع سبی کے وکلا کی طرف سے جرات مندانہ اور تاریخی…
کوئٹہ(قدرت روزنامہ)بلوچ ویمن فورم (BWF) کے اراکین نے لاپتہ ہونے والے ظہیر کے اہل خانہ…
گوادر(قدرت روزنامہ)ایران حکومت بجلی فراہمی معاملے میں گوادر سمیت مکران کے عوام کے ساتھ مزاق…
کوئٹہ(قدرت روزنامہ)ریلوے مزدور ایکشن کمیٹی کوئٹہ کے رہنمائوں نے مطالبہ کیا ہے کہ ریلوے ہائوسنگ…