کراچی (قدرت روزنامہ)کنوینر ایم کیو ایم پاکستان خالد مقبول صدیقی کا کہنا ہے کہ حکومت کو فلسطین کے معاملے پر واضح مؤقف اختیار کرنا چاہیے۔خالد مقبول صدیقی نے کراچی میں پریس کانفرنس کے دوران کہا کہ مسلم حکمران ذاتی تنازعات کی وجہ سے آواز اٹھانے کے قابل نہیں، مسلمان حکمران اس قابل نہیں کہ مسئلہ فلسطین کا دیرپا حل دے سکیں۔
اُن کا کہنا تھا کہ فلسطین میں اس وقت ایک انسانی المیہ جنم لے چکا ہے، فلسطین کو صرف خطے کا معاملہ سمجھنا غلطی ہوگی، صرف یہ خطہ آگ کی لپیٹ میں نہیں یہ عالمی امن کے لیے خطرہ ہے۔
خالد مقبول نے کہا ہے کہ فلسطین کی صورتحال اقوام عالم کی کارکردگی پر سوالیہ نشان ہے، رابطہ کمیٹی کا کہنا ہے اس وقت ایم کیو ایم کو اپنا کردار ادا کرنا چاہیے۔انہوں نے مزید کہا کہ کراچی جغرافیائی لحاظ سے اہم اور منفرد حیثیت رکھتا ہے، عالم اسلام کراچی کے گرد رہتا ہے۔
رہنما ایم کیو ایم خالد مقبول صدیقی کا کہنا تھا کہ ہمیں فلسطین کے لیے باہر نکل کر احتجاج کرنا ہوگا، جمعے کی نماز کے بعد ہم فلسطین کے لیے ریلی نکالیں گے، صرف تعزیتی مؤقف سے کام نہیں چلے گا۔
کنوینر ایم کیو ایم خالد مقبول کا پاکستان کی حالیہ سیاسی صورتحال پر بات کرتے ہوئے کہنا تھا کہ نگراں حکومت مکمل طور پی پی کی نگرانی میں کام کر رہی ہے، اُنہوں نے الزام لگاتے ہوئے مزید کہا کہ امن کو برباد کرنے کی کوشش کی جارہی ہے، پولیس کے ڈی ایس پیز اور افسران پیپلز پارٹی کی تنخواہ پر کام کر رہے ہیں۔
کوئٹہ(قدرت روزنامہ)وزیر داخلہ بلوچستان ضیا ء لانگونے اپنے ایک بیان میں کہا کہ بلوچستان میں…
مانجھی پور(قدرت روزنامہ)مانجھی پور کے قریب گوٹھ شمس الحق کھوسہ کے رہائشی 9 سالہ عمران…
دکی(قدرت روزنامہ)بلوچستان کے ضلع دکی کے علاقے رباط کے مقام پر مسافر وین بے قابو…
کوئٹہ(قدرت روزنامہ)سیشن جج سریاب جناب نجیب اللہ کاکڑ نے 4معصوم بہن بھائیوں کو تیز دھار…
کوئٹہ(قدرت روزنامہ)واجبات کی عدم ادائیگی پر بلوچستان کی سب سے بڑی جیل سینٹرل جیل مچ…
خضدار(قدرت روزنامہ)بلوچ اسٹوڈنٹس ایکشن کمیٹی کی جانب سے بلوچ لٹریسی کمپین کے تحت ” سکندر…