کوئٹہ(قدرت روزنامہ) وزیرداخلہ بلوچستان میر ضیاء اللہ لانگو نے کہا ہے کہ وزیراعلیٰ کے مستعفیٰ ہونے کا آپشن موجود ہی نہیں ہے اپوزیشن تحریک عدم اعتما د کے ذریعے چور دروازے سے بر سراقتدار آنا چاہتی ہے وزیراعلیٰ کے خلاف تحریک عدم اعتماد ہر صورت ناکام بنائیں گے، یہ بات انہوں نے نجی ٹی وی سے گفتگو کرتے ہوئے کہی، انہوں نے کہا کہ تحریک عدم اعتماد لانا اپوزیشن کا بنیادی حق ہے بدقسمتی سے یہ وہی اپوزیشن ہے جو نواب ثناء اللہ زہری کی حکومت سے لیکر آج تک ہمیشہ غیر جمہوری طریقے سے حکومت گراتی آئی اور چور دروازے سے اقتدار کا حصہ بننے کی کوشش کرتی ہے جو لوگ بلوچستان عوامی پارٹی کو سلیکٹڈ کہتے تھے وہی آج بی اے پی ارکان کو ورغلانے کے لئے ہر قسم کے حربے آزما رہے ہیں انہوں نے کہا کہ وزیراعلیٰ کے مستعفیٰ ہونے کی خبریں پروپگینڈا ہیں اپوزیشن اپنی ناکامی کو دیکھ ہر ایسی خبریں پھیلا رہی ہے وزیراعلیٰ جام کمال خان صوبے کے چیف ایگزیکٹو ہیں اور اپنے عہدے پر قائم و دائم ہیں وزیراعلیٰ کے مستعفیٰ ہونے کا آپشن موجود ہی نہیں ہے انہوں نے کہا کہ بلوچستان عوامی پارٹی میں اختلافات کو دور کر نے کے لئے مختلف بیٹھکیں ہوچکی ہیں جن میں دوستوں کے خدشات کو دور کیا جارہا ہے انہوں نے کہا کہ اسپیکر میر عبدالقدوس بزنجو پارٹی کے اہم رکن اور زیرک سیاستدان ہیں وہ پارٹی کی خاطر اختلافات کو سینئر قیادت کے ساتھ مل بیٹھ کر حل کرنے کی صلاحیت رکھتے ہیں وزیراعلیٰ اور اسپیکر کے اخلافات جلد ہی ختم ہو جائیں گے انہوں نے کہا کہ وزیراعلیٰ جام کمال خان پورے صوبے کے وزیراعلیٰ ہیں انہوں نے اسپیکر کے حلقے کے لئے بھی ترقیاتی فنڈز دئیے ہیں اگر اسپیکر کے تحفظات ہیں تو انہیں دور کرلیا جائیگا وزیراعلیٰ ہاؤس میں کسی بھی وزیریا رکن پر پابند ی نہیں ہے جس بھی دن جو بھی ملنا چاہیے اس میں کوئی مسئلہ درپیش نہیں آتا انہوں نے کہا کہ بی اے پی کے ناراض ارکان کی تعداد کے حوالے سے کئے جانے والے دعوؤں کی تردید کرتا ہوں ہم تحریک عدم اعتماد کا جمہوری اندازمیں مقابلہ کر کے اسے ناکام بنائیں گے۔
لندن (قدرت روزنامہ) معروف اداکارہ عظمیٰ حسن کو برطانیہ کے دارالحکومت لندن میں لوٹ لیا…
لاہور(قدرت روزنامہ) وزیر اعلیٰ پنجاب مریم نواز شریف نے پی ٹی آئی احتجاج میں شدید…
جہلم (قدرت روزنامہ )جہلم میں فیملی تقریب کے دوران کھانا کھانے سے 2 بچے انتقال…
اسلام آباد(قدرت روزنامہ)بانی پی ٹی آئی کی بہنوں اور اسد قیصر کے بھائی کا ایک…
کراچی(قدرت روزنامہ) پاکستان شوبز انڈسٹری کے معروف اداکار و میزبان عمران اشرف کی سابقہ…
اسلام آباد (قدرت روزنامہ)اسلام آباد میں امن و امان کی غیر یقینی صورتحال کے پیش…