ہندوستان کا چہرہ ایک نارمل ملک کا ہرگز نہیں ہے بلکہ ایک دہشتگرد ملک کا ہے،جان اچکزئی

کوئٹہ(قدرت روزنامہ) نگران صوبائی وزیر اطلاعات بلوچستان جان اچکزئی نے کہا ہے کہ ہندوستان کی ریاستی دہشتگردی پاکستان کے علاؤہ دنیا کے دیگر ممالک میں پہنچ چکی ہے۔کنیڈا کے بعد قطر کی سرزمین میں بھی ہندوستان کے جاسوسی کے نظام کو پکڑ تے ہوئے 8 جاسو سوں کو سزا موت سنا دی گئی نگران صوبائی وزیر اطلاعات بلوچستان جان اچکزئی نے کہا ہے کہ ہندوستان کے اس جاسوسی نظام کے سامنے آنے سے یہ ثابت ہو گیا ہے کہ ہندوستان کس طرح پورے خطے میں جاسوسی کے ذریعے ریاستی دہشتگردی کا جال پھیلا رہا ہے۔ اب اس سے ثابت ہو گیا ہے کہ ہندوستان کا چہرہ ایک نارمل ملک کا ہرگز نہیں ہے بلکہ ایک دہشتگرد ملک کا ہے جو خطے میں جاسوسی کے ذریعے ایک منظم نظام چلا رہا ہے تاکہ اپنے مذموم مقاصد حاصل کئے جا سکیں۔ 8 بھارتی جاسو سوں کو قطر میں سزا موت ملنے سے یہ ثابت ہو گیا کہ ہندوستان جاسوسی کا جال بچھاتے ہوئے خطے میں دہشتگردی کو فروغ دے رہا ہے۔