اداکار محموداسلم کی پسندیدہ اداکارہ بشریٰ انصاری لیکن صبا قمر بارے کیا خیال ہے؟ جانئے

لاہور(قدرت روزنامہ)سینئر اداکار محمود اسلم نے کہا ہے کہ بشری انصاری میری پسندیدہ اداکارہ ہیں ،سہیل احمد ورسٹائل اداکار ہیں اور صبا قمر کو سب سے زیادہ خوبصورت اداکارہ مانتا ہوں .

ایک انٹرویو کے دوران انہوں نے کہا کہ میں کافی عرصے سے کراچی میں مقیم ہوں مگر لاہور کی یادوں کو کبھی میں فراموش نہیں کر سکا ، پرانے دوستوں کی بیٹھکیں آج بھی یاد آتی ہیں اور جب بھی لاہور آں تو اپنے پرانے علاقہ سنت نگر میں ضرور جاتا ہوں جہاں بچپن کے کچھ دوستوں سے ملاقات ہو جاتی ہے ، زیادہ تر دوست علاقہ چھوڑ کر دوسری جگہوں پر منتقل ہو چکے ہیں .

انہوں نے کہا کہ پی ٹی وی کی تاریخ میں پہلی مرتبہ ڈرامہ سیریل جنجال پورہ میں خواجہ سرا کا کردار ادا کیا تھا . ، اس سے قبل کبھی بھی پی ٹی وی میں خواجہ سرا کا کردار کسی کو نہیں ملا تھا ، اس کردار میں میرا نام ریما تھا اور اس ڈرامہ سیریل نے ریکارڈ ساز مقبولیت حاصل کی جبکہ کراچی میں بننے والے سٹ کام بلبلے میں بھی میرے کردار نے تاریخی شہرت حاصل کی اور اس میں میرا اصل نام محمود ہی رکھا گیا .

انہوں نے کہا کہ جہاں بھی کہیں آنا جانا ہو تو بچے مجھے محمود انکل کہہ کر میرے اردگرد گھیرا ڈال لیتے ہیں اور میرے ساتھ سیلفیاں بناتے ہیں . انہوں نے کہا کہ میں سمجھتا ہوں پرستاوں کی وجہ سے لوگ سٹار بنتے ہیں ، ہمیں انہیں عزت دینی چاہیے .