سونا 2100 روپے سستا ، فی تولہ قیمت 2 لاکھ ، 11 ہزار روپے ہو گئی

اسلام آباد (قدرت روزنامہ)سونے کی قیمتوں میں اتار چڑھائو کا سلسلہ جاری ہے، عالمی مارکیٹ میں سونے کی قیمتوں میں کمی سے پاکستان میں بھی قمیت میں نمایاں کمی آ گئی ہے۔
مقامی صرافہ مارکیٹوں میں ہفتے کو 24 قیراط کے حامل فی تولہ سونے کی قیمت 2100 روپے گھٹ کر 211000 روپے ، جبکہ دس گرام سونے کی قیمت 1800 روپے گھٹ کر 180898 روپے ہو گئی۔
اس کے برعکس فی تولہ چاندی کی قیمت بغیر کسی تبدیلی کے 2580روپے اور فی دس گرام چاندی کی قیمت بھی بغیر کسی تبدیلی کے 2211.93روپے پر مستحکم رہی ہے۔
بین الاقوامی بلین مارکیٹ میں فی اونس سونے کی قیمت 17 ڈالر کی کمی سے 1958 ڈالر کی سطح پر پہنچ گئی۔