اشیائے ضروریہ کی قیمتوں میں پھر اضافہ! نوٹیفکیشن جاری کر دیا گیا

لاہور(قدرت روزنامہ) یوٹیلیٹی سٹورز پر مختلف اشیا کی قیمتوں میں پھر اضافہ، مختلف برانڈز کا صابن 3سے 10روپے اور کپڑے دھونے والا صابن 22روپے تک مہنگا کردیا گیا۔

یوٹیلیٹی اسٹورز پر مختلف اشیاء کی قیمتوں میں اضافہ کردیا گیا۔نوٹیفکیشن کے مطابق مختلف برانڈز کا صابن تین سے 10 روپے تک مہنگا کردیا گیا۔ٹشو رولز، ٹائلٹ ٹشو اور نیپکن کی قیمتیں 3 سے 19 روپے تک بڑھا دی گئیں ہیں جبکہ کپڑے دھونے کا صابن 22 روپے تک مہنگا کردیا گیا ہے۔ صارفین نے اشیاء ضروریہ کی قیمتوں میں اضافہ ہونا حکومت کی ناکامی قرار دے دیا۔

دوسری جانب ٹائلٹ کلینر اور بلیچ کی قیمت چار سے 12 روپے تک بڑھا دی گئی۔ ملک کریم 10 روپے مہنگی کردی گئی ہے۔شہریوں کا کہنا ہے کہ حکومت اشیاء ضروریہ کی قیمتیں بڑھنے سے غریب آدمی مہنگائی کی چکی میں پس کر رہ گیا ہے۔

اشیاء ضروریہ کی قیمتوں میں اضافہ سے عام آدمی کے گھر کا خرچ بڑھ گیا ہے اور وہ ذہنی مشکلات سے دوچار ہیں۔ حکومت کو چاہیے کہ اشیاء ضروریہ کی قیمتوں کو برقرار رکھنے کیلئے ٹھوس حکمت عملی مرتب کرے جس سے عام آدمی کے گھر کا بجٹ متاثر نہ ہو۔