افغانستان میں جنگ کا خاتمہ اچھی خبر ہے،وزیراعظم

(قدرت روزنامہ)وزیرِاعظم عمران خان نے کہا ہے کہ افغانستان میں 40سال سے جاری جنگ کا خاتمہ اچھی خبر ہے۔

تفصیلات کے مطابق وزیرِاعظم عمران خان نے برطانوی نشریاتی ادارے کو انٹرویو دیتے ہوئے کہا کہ افغانستان میں ابھی جامع حکومت نہیں بن سکی۔

اپنےانٹر ویو میں عمران خان کا کہنا تھا کہ ابھی قبل از وقت ہے کہ طالبان کے بارے میں ایک حتمی رائے قائم کی جائے۔

وزیرِاعظم نے کہا کہ افغانستان میں 40سال سے جاری جنگ کا خاتمہ اچھی خبر ہے،20سال کی جنگ کے بعد طالبان سے اتنی جلدی توقعات رکھنا درست نہیں۔

عمران خان نے کہا کہ طالبان کا کہنا ہے کہ وہ خواتین کو مرحلہ وار قومی دھارے میں شامل کریں گے، توقع ہے کہ افغانستان میں طالبان خواتین کو تعلیم کی اجازت دے دیں گے۔

وزیرِاعظم عمران خان نے مزید کہا کہ اس وقت کوئی کچھ نہیں کہہ سکتا کہ افغانستان کس سمت جائے گا، سب کوساتھ لےکرچلنےسےافغانستان میں پائیدارامن ممکن ہوگا۔

بی بی سی کے جان سمپسن کے ساتھ وزیرِاعظم عمران خان کا تفصیلی انٹرویو دیکھیے بدھ 22 ستمبر کو جاری کیا جائے گا۔

دوسری جانب وزیراعظم عمران خان نے دورہ نیوزی لینڈ اور انگلینڈ منسوخی میں بیرونی سازشوں کا پردہ چاک کرنے کا فیصلہ کر لیا ہے۔

وزیراعظم عمران خان نیوزی لینڈ اور انگلینڈ کی جانب سے پاکستان کا دورہ منسوخ کیے جانے کے بعد کل قومی ٹی ٹوئنٹی اسکواڈ سے ملاقات کریں گے جس میں چیئرمین پی سی بی رمیز راجہ سمیت سی ای او وسیم خان سمیت دیگر عہدیدار بھی موجود ہوں گے۔