اسلام آباد (قدرت روزنامہ)لاہور ہائیکورٹ نے خدیجہ شاہ کی نظر بندی کے خلاف درخواست گزار کو متعلقہ حکام سے رجوع کرنے کی ہدایت کرتے ہوئے سماعت پیر تک ملتوی کردی جبکہ انسداد دہشت گردی عدالت نے گلبرگ میں پولیس گاڑیاں جلانے کے کیس میں یاسمین راشد کی درخواست پر وکلاء سے دلائل طلب کر لیے۔
لاہور ہائیکورٹ کے جسٹس علی باقر نجفی نے پاکستان تحریک انصاف کی کارکن خدیجہ شاہ کے شوہر جہانزیب امین سمیت دیگر کی درخواست پر سماعت کی۔
خدیجہ شاہ کے وکیل نے مؤقف اختیار کیا کہ خدیجہ شاہ کوئی کریمنل نہیں اور وہ کاروباری فیملی سے تعلق رکھتی ہے۔
وکیل نے استدعا کی کہ خدیجہ شاہ کو اسی عدالت میں پیش کرنے کا حکم دیا جائے۔
عدالت نے قرار دیا کہ خدیجہ شاہ کے ٹویٹ کا ہائیکورٹ کے 2 رکنی بینچ نے فیصلے میں ذکر کیا، ہم ڈپٹی کمشنر کو ڈائریکشن دے دیتے ہیں کہ وہ قانون کے مطابق آپکی نظر بندی کی درخواست پر فیصلہ کر دیں۔
دوسری جانب لاہور کی انسداد دہشت گردی عدالت نے گلبرگ میں پولیس گاڑیاں جلانے کے کیس میں پاکستان تحریک انصاف کی رہنما یاسمین راشد کی درخواست پر وکلاء سے دلائل طلب کرلیے۔
لاہور کی انسداد دہشت گردی عدالت کے جج ارشد جاوید نے پی ٹی آئی رہنما یاسمین راشد کی درخواست ضمانت پر سماعت کی۔
عدالت نے درخواست گزار کے وکلا سے دلائل طلب کرتے ہوئے سماعت 27 نومبر تک ملتوی کر دی۔
یاد رہے کہ گلبرگ پولیس نے یاسمین راشد اور دیگر کے خلاف مقدمہ درج کر رکھا ہے۔
اسلام آباد (قدرت روزنامہ)لاہور ہائیکورٹ کے جسٹس فاروق حیدر نے جلسے کی اجازت اور جلسہ…
اسلام آباد (قدرت روزنامہ)حکومت نے مئی کے بعد سے اب تک پیٹرولیم مصنوعات کی قیمتوں…
اسلام آباد (قدرت روزنامہ)زمبابوے کی حکومت نے خشک سالی اور جنگلات میں لگنے والی آگ…
اسلام آباد (قدرت روزنامہ)بل گیٹس کی بیٹی فیب گیٹس نے کورونا ویکسین سے متعلق اپنے…
اسلام آباد (قدرت روزنامہ)پاکستان نے قومی ترانے پر کھڑے نہ ہونے کے معاملے پر افغان…
ممبئی(قدرت روزنامہ) بالی ووڈ اداکارہ اروشی روٹیلا نے بھارتی کرکٹر ریشبھ پنت کے ساتھ تعلقات…