علیٰحدگی کی افواہیں؟ محمد عامر نے اہلیہ فریال کے ساتھ ایسی تصویر جاری کر دی کہ سب حیران رہ گئے
لاہور(قدرت روزنامہ)گزشتہ دنوں شوہر کی مبینہ بیوفائی کے باعث علیٰحدگی کی افواہوں کے بعد پاکستان کے مقبول سابق باکسرعامر خان کی اہلیہ فریال مخدوم سے متعلق خاصی خاموشی تھی تاہم اب لگتا ہے کہ عامر ایک بارہھرصرف اہلیہ ہی کی زلفوں کے اسیر ہیں .
سابق باکسر نے گزشتہ روز ریڈ سی انٹرنیشنل فلم فیسٹیویل کی اختتامی تقریب میں اپنی اہلیہ فریال مخدوم کے ساتھ شرکت کی .
عامر خان اور ان کی اہلیہ فریال مخدوم نے اپنے سوشل میڈیا اکاؤنٹ انسٹاگرام پر اس تقریب سے تصاویر شیئر کی ہیں .
اس جوڑے کو ایک ساتھ خوش وخرم دیکھ کران کے درمیان علیٰحدگی کی افواہیں دم توڑ گئیں .
36 سالہ عامرخان نے ریڈ کارپٹ پر سیاہ سوٹ پہن کر شرکت کی جبکہ فریال مخدوم نے سفید رنگ کے ساٹن گاؤن سے خود کو ایک گلیمرس لُک دیا جسے بیلٹ اور ہیڈ سکارف نے مزید نمایاں کیا .
View this post on Instagram
اس جوڑے کی ازدواجی زندگی بی بی سی کی ایک سابق پریزنٹر کے ایک الزام کے سبب خاصی مشکل میں پڑگئی تھی تاہم عامر نے دھوکہ دہی کے کئی سکینڈلز میں ملوث ہونے کے بعد اپنی اہلیہ سے معافی مانگ لی تھی .
لیکن اس کے بعد ماڈل سمیرا نے عامر خان پر الزام عائد کرتے ہوئے کہا تھا کہ وہ مجھے اشتعال انگیز پیغامات بھیجتے ہیں .
اس کے بعد اس جوڑے نے کچھ ماہ کیلئے ایک دوسرے سے وقتی طور پر دوری اختیار کی تھی . تاہم عامر خان نے اپنی ازدواجی زندگی کو بچانے کیلئے ہر ممکن کوشش کی .
ذرائع کے مطابق باکسر نے اپنی اہلیہ ’فریال بیوٹ‘ کے کاسمیٹک کاروبار میں1 لاکھ پاؤنڈز کی سرمایہ کاری کی پیشکش کی تھی جو اس بات کا ثبوت ہے کہ وہ اپنی شادی بچانے کے لیے پرعزم تھے . عامر خان اپنی اہلیہ کو یہ یقین دہانی کروانا چاہتےتھے کہ وہ بدلنے کو تیار ہیں اور مالی طور پر ان کی مدد کرنا چاہتے ہیں .
View this post on Instagram
عامر خان نے اہلیہ کے کاروبار میں سرمایہ کاری کرنے کے علاوہ دبئی میں اپنے گھر میں نیا سوئمنگ پول بھی بنوایا تھا اور ایک نئی رینج روور بھی خریدی تھی .
خیال رہے کہ عامر خان کی فریال مخدوم سے شادی کو 13 برس ہو چکے ہیں اور ان کے3بچے ہیں جن کا نام لامیسا، علینہ اور محمد ہیں .
. .