کراچی (قدرت روزنامہ) ملک کے زرمبادلہ ذخائر میں صرف ایک ہفتے کے دوران بہت بڑی گراوٹ۔
تفصیلات کے مطابق بیرونی ادائیگیوں اور دیگر وجوہات کے باعث صرف ایک ہفتے میں پاکستان کے زرمبادلہ ذخائر میں 66 کروڑ ڈالرز سے زائد کی تشویش ناک کمی ہوئی ہے۔ اسٹیٹ بینک کی رپورٹ کے مطابق بیرونی قرضوں کی واپسی کے باعث مرکزی بینک کے ذخائر میں 47 کرور ڈالرز سے زائد کی کمی ہوئی، جبکہ کمرشل بینکوں کے ذخائر میں بھی 18 کروڑ ڈالرز سے زائد کی کمی ہوئی۔
یوں ملک کے مجموعی زرمبادلہ ذخائر 27 ارب ڈالرز کی سطح سے نیچے آگئے۔ اس وقت ملک کے مجموعی ذخائر 26 ارب 40 کروڑ ڈالرز ہیں جن میں سے مرکزی بینک کے ذخائر 19 ارب 54 کروڑ ڈالرز جبکہ کمرشل بینکوں کے ذخائر 6 ارب 85 کروڑ ڈالرز ہیں۔
دوسری جانب گزشتہ ہفتے ڈالر کی قیمت کو قابو میں کرنے کیلئے اسٹیٹ بینک کی جانب سے کی گئی مداخلت بے کار ثابت ہوئی، جمعرات کا دن کرنسی مارکیٹ میں پاکستانی روپے کیلئے تباہ کن ثابت ہوا۔
میڈیا رپورٹس کے مطابق جمعرات کے روز امریکی ڈالر کی قیمت ملکی تاریخ میں پہلی مرتبہ 170 روپے کی سطح کو عبور کر گئی، انٹر بینک اور مقامی اوپن دونوں کرنسی مارکیٹس میں جمعرات کو ڈالر کے مقابلے پاکستانی روپے کی قدر میں گراوٹ کا رجحان رہا۔ اس حوالے سے فاریکس ایسوسی ایشن آف پاکستان کی رپورٹ کے مطابق جمعرات کو انٹر بینک میں روپے کے مقابلے ڈالر کی قدر میں20پیسے کا اضافہ ریکارڈ کیاگیا جس سے ڈالر کی قیمت خرید 168.65روپے سے بڑھ کر168.85روپے اور قیمت فروخت 168.75روپے سے بڑھ کر168.95روپے ہو گئی اسی طرح مقامی اوپن کرنسی مارکیٹ میں ڈالر کی قدر میں30پیسے کا اضافہ ہوا جس سے ڈالر کی قیمت خرید 169.70روپے سے بڑھ کر170روپے اور قیمت فروخت 170.10روپے سے بڑھ کر170.40روپے ہو گئی ۔
کراچی(قدرت روزنامہ)ملک میں فی تولہ سونا ہزاروں روپے سستا ہوگیا۔جیمز اینڈ جیولرز ایسوسی ایشن کے…
دبئی(قدرت روزنامہ)متحدہ عرب امارات (یو اے ای) کی ریاست دبئی کے حکام نے غیر قانونی…
باجوڑ (قدرت روزنامہ) نامعلوم افراد کی فائرنگ سے جماعت اسلامی کے جنرل سیکرٹری جاں بحق…
ضلع ہرنائی میں معصوم شہریوں کو نشانہ بنانے کی منصوبہ بندی کی اطلاع پر سیکیورٹی…
جب تک مطالبات نہیں مانے جاتے احتجاج جاری رہے گا، عمران خان کی ہمشیرہ علیمہ…
عالمی سطح پر دوست ممالک سے ملکر اِس بین الاقوامی نیٹ ورک کو بے نقاب…