الیکشن کمیشن کا چیئرمین پیمرا کو مراسلہ

اسلام آباد (قدرت روزنامہ)الیکشن کمیشن آف پاکستان نے چیئرمین پیمرا کو مراسلہ لکھ دیا۔مراسلے میں الیکشن کمیشن نے کہا ہے کہ ضابطۂ اخلاق کی خلاف ورزی کرنے والے میڈیا کے خلاف ایکشن لیا جائے۔
الیکشن کمیشن کا کہناہے کہ بعض چینلز پول سروے نشر کر رہے ہیں، ضابطۂ اخلاق میں اس کی ممانعت ہے۔مراسلے میں الیکشن کمیشن نے کہا ہے کہ ضابطۂ اخلاق میں میڈیا کو پولنگ اسٹیشن اور حلقوں سے سروے اور پول سے روکا گیا ہے۔
الیکشن کمیشن کے مراسلے میں کہا گیا ہے کہ یہ سرگرمیاں ووٹر پر اثر انداز ہوتی ہیں اور الیکشن کے عمل میں خلل ڈالتی ہیں۔ مراسلے میں الیکشن کمیشن کا یہ بھی کہنا ہے کہ پیمرا ایسے چینلز کے خلاف فوری ایکشن لے کر رپورٹ جمع کرائے۔