چین سے قرضے کی راہ میں رکاوٹیں دور کرنے کیلیے کوششیں تیز

اسلام آباد(قدرت روزنامہ) پاکستان نے چین سے قرضے کی راہ میں حائل رکاوٹیں دور کرنے کیلیے کوششیں تیز کردیں۔پاکستان نے چین سے 60 کروڑ ڈالر کے رعایتی قرضے کی راہ میں حائل رکاوٹیں دور کرنے کیلیے کوششیں تیز کردیں۔
ادھر چینی بینکوں نے قرض مذاکرات کو حتمی شکل دینے کیلیے چینی آئی پی پیزکی زیر التوا ادائیگیوں کی اقساط پرشرائط عائد کی ہیں۔ تاہم وزارت خزانہ نے زور دیا ہے 60 کروڑ ڈالر کا قرضہ غیر مشروط ہونا چاہیے۔
پاکستان جولائی سے قرض کیلئے مشاورت میں مصروف ہے تاہم شرائط پر موجودہ تنازع اور زیر التوا منظوریوں کے ساتھ اس مالیاتی انتظام کو تاحال حتمی شکل نہیں دی جاسکی۔