سعودی عرب میں پہلا روزہ کس تاریخ کو ہوگا؟ ماہرین فلکیات نے بتادیا

ابوظہبی(قدرت روزنامہ) دنیا بھر میں 26 سال بعد سردیوں میں رمضان آرہے ہیں اور یہ مقدس ماہ 2031 تک ٹھنڈے موسم میں ہی آتا رہے گا۔عالمی خبر رساں ادارے کے مطابق امارات فلکیات سوسائٹی کے چیئرمین ابراہیم الجروان نے کہا ہے کہ سعودی عرب میں رمضان کا آغاز 11 مارچ سے ہونے کی توقع ہے جب کہ عید الفطر 10 یا 11 اپریل کو ہوسکتی ہے۔
ابراہیم الجروان نے واضح کیا کہ فلکی حساب ایک طرف تاہم رمضان اور شوّال کے چاند کا اعلان سعودی عدالت میں جمع ہونے والی شہادتوں کی بنیاد پر ہی کیا جائے گا۔ ایمریٹس آسٹرونومی سوسائٹی کے بورڈ آف ڈائریکٹرز کے چیئرمین کے مطابق سعودی عرب سمیت خلیجی ممالک میں روزے 13 سے 15 گھنٹے کے دورانیے کے ہوں گے۔
اسی طرح دیگر ممالک میں اپنے اپنے اوقات کات کے تحت روزے کا دورانیہ 12 سے 17 گھنٹے ہوگا۔ جیسے جیسے رحمتوں کے مہینے کی ساعتیں قریب آرہی ہیں مسلمانوں میں نیکیوں کو سمیٹنے کے لیے بے تابی میں اضافہ ہوتا جا رہا ہے۔