کوئٹہ (قدرت روزنامہ) وزیراعلیٰ بلوچستان جام کمال خان نے مچھ میں سیکورٹی فورسز کی چیک پوسٹ پر دہشت گردوں کے حملے اور گوادر میں بانی پاکستان قائد اعظم محمد علی جناح کے مجسمے پر دستی بم حملے کی شدید الفاظ میں مذمت کی ہے۔ وزیر اعلیٰ نے اپنے مذمتی بیان میں مچھ میں سپاہی عرفان کی شہادت پر دلی رنج و غم کا اظہار کرتے ہوئے کہا ہے کہ صوبے میں قیام امن کے لیے سیکیو رٹی فورسز کی قربانیاں رائیگاں نہیں جائیں گی، ملک کی خاطر جان کا نذرانہ پیش کرنے والے جوان ہمارا فخر ہیں۔ انہوں نے کہا کہ دہشت گرد عناصر کو ملک کا امن تباہ نہیں کرنے دیں گے، پاک فوج، پولیس، لیویز فورس اور دیگر قانون نافذ کرنے والے ادارے دہشت گردوں کی بزدلانہ کارروائیوں سے نمٹنے کے لیے پرعزم ہیں۔ وزیراعلیٰ نے کہا کہ دہشتگردوں کو صوبے کا امن سبوتاڑ کرنے کی ہرگز اجازت نہیں دی جائے گی۔ وزیراعلیٰ بلوچستان نے متعلقہ حکام کو گوادر میں بانی پاکستان کے مجسمے پر حملہ کرنے والوں کو فوری گرفتار کرنے کی ہدایت کی ہے۔ وزیراعلیٰ نے سپاہی عرفان کے درجات کی بلندی اور حملے میں زخمی ہونے والے دو جوانوں کی جلد صحت یابی کیلئے دعا بھی کی ہے۔
اسلام آباد (قدرت روزنامہ)آئی جی اسلام آباد ڈی چوک پہنچے جہاں انھوں نے پولیس فورس،…
اسلام آباد (قدرت روزنامہ) وزیراعظم شہباز شریف نے 7 اکتوبر کو یوم یکجہتی فلسطین منانے…
سوات(قدرت روزنامہ)مالم جبہ میں پولیس اور دہشتگردوں میں فائرنگ کے تبادلے میں 2 دہشتگرد ہلاک…
ممبئی(قدرت روزنامہ) بالی ووڈ اداکارہ ڈیزی شاہ نے کہا ہے کہ انہوں نے انڈسٹری میں…
اسلام آباد(قدرت روزنامہ) گورنر خیبرپختونخوا فیصل کریم کنڈی نے وزیراعظم سے ملاقات کی ہے جبکہ…
کراچی(قدرت روزنامہ)پاکستانی اداکارہ اور میزبان نادیہ خان نے کہا ہے کہ حلالہ سنٹرز بن گئے…