لاہور(قدرت روزنامہ)پاکستان سپر لیگ ( پی ایس ایل ) کی فرنچائز لاہور قلندرز کے اوپننگ بیٹر فخر زمان کا کہنا ہے کہ قومی ٹیم کا معاملہ الگ ہے لیکن پی ایس ایل میں اوپننگ ہی کرنا چاہوں گا۔
لاہور میں میڈیا سے گفتگو کرتے ہوئے فخر زمان نے کہا کہ پی ایس ایل کے لیے تیاری اچھی چل رہی ہے،کیمپ اس لیے لگتا ہے کہ جو نئے کھلاڑی آتے ہیں ان کے ساتھ مل لیں، دو بار ٹائٹل جیتنا ہے، ذہن میں یہی ہے کہ ہیٹ ٹرک کریں اور اس کا پریشر بھی ہو گا، کوشش کریں گے کہ جس طرح گزشتہ دو سیزن میں کھیلے ہیں ویسے ہی کھیلیں۔فخر زمان کا کہنا تھا لاہور کراچی کا ٹاکرا ڈومیسٹک کرکٹ میں بھی ہوتا ہے اور یہی کھیل کی خوبصورتی ہے، ٹائٹل جیتنے کے باوجود کراچی سے ہارنے پر کھلاڑی بھی آپس میں بات کرتے ہیں، کراچی والے لیگز کے میچ جیتے ہم ٹائٹل جیت گئے۔
پی ایس ایل 9 کیلئے راشد خان کی غیر موجودگی پر بات کرتے ہوئے فخر زمان نے کہا کہ اگر میں کہوں کہ راشد خان کے نہ ہونے سے نقصان نہیں ہو گا تو یہ غلط ہو گا، راشد خان دنیا کا بہترین بولر ہے، راشد کا کوئی نعم البدل نہیں، ان کی کمی پوری کرنے کی کوشش کریں گے، راشد خان کی جگہ جو کھلاڑی آئے ہیں وہ بھی اچھے ہیں، کوشش ہو گی کہ راشد کی کمی ہمیں کم سے کم محسوس ہو۔
فخر زمان نے مزید کہا کہ انڈر19 ٹیم میں پاکستان کے تینوں فاسٹ بولر اچھے تھے، دیکھنا ہوگا کہ وہ اگلے 3 ، 4 سال خود کو کیسے رکھتے ہیں، پی ایس ایل میں میرا گول ہے کہ بہترین بیٹر بنوں اور ہماری ٹیم جیتے۔جارح مزاج بیٹر نے کہا کہ ٹی ٹوئنٹی کرکٹ میں اوپنرز ہی بیٹنگ میں ٹیمپو بناتے ہیں، اوپننگ میں سیم بلنگز کی کمی محسوس کریں گے مگر ہمارے باقی کھلاڑی بھی اچھے ہیں، بطور پروفیشنل کھلاڑی کسی بھی نمبر پر کھیلنے کے لیے تیار ہوں۔
کوئٹہ(قدرت روزنامہ)کوئٹہ الیکٹرک سپلائی کمپنی(کیسکو) کے اعلامیہ کے مطابق برقی تنصیبات اور لائنوںپر ضروری مرمتی…
کوئٹہ(قدرت روزنامہ) بلوچستان میں 100ڈیموں کی تعمیر کے منصوبے میں بڑے پیمانے پر بے قاعدگیوں…
کوئٹہ (قدرت روزنامہ)کوئٹہ میں انٹر کے امتحانات میں امیدواروں سے مبینہ طور پر رقم لیکر…
خضدار(قدرت روزنامہ) خضدار میں میر شفیق الرحمان مینگل کی حامیوں کی جانب سے این 25…
کوئٹہ (قدرت روزنامہ)کوئٹہ کے چار بڑے ہسپتالوں میں پچھلے دس برسوں کے دوران میڈیکل مشینوں…
کوئٹہ(قدرت روزنامہ)وزیر اعلیٰ بلو چستان میر سر فراز احمد بگٹی نے کہا ہے کہ بلوچستان…