لاہور (قدرت روزنامہ) وزیراعلیٰ پنجاب مریم نواز نے کہا ہے کہ خلاف قانون کوئی رویہ برداشت نہیں کروں گی۔
لاہور میں وزیراعلیٰ پنجاب کے زیر صدارت امن و امان کی صورتحال سے متعلق پہلا اجلاس ہوا جس میں انہیں صوبے میں امن و امان کی صورتحال پر بریفنگ دی گئی۔
اجلاس کے دوران وزیراعلیٰ پنجاب مریم نواز نے ٹیکسلا میں بزرگ خاتون کو تھپڑ مارنے کے واقعے کا نوٹس لیا۔
اس موقع پر وزیراعلیٰ پنجاب کا کہنا تھا کہ قانون نافذ کرنے والا ہی قانون توڑے گا تو قانون کی کون عزت کرے گا؟
انہوں نے کہا کہ خلاف قانون کوئی رویہ برداشت نہیں کروں گی۔ امن و امان لازم ہے، مگر شہریوں کو توہین سے بچانا بھی اتنا ہی ضروری ہے۔
مریم نواز کا کہنا تھا کہ قانون کے احترام کے ساتھ انسان اور شہریوں کا احترام یقینی بنائیں، سب قانون کا احترام کریں۔
انہوں نے کہا کہ اصلاحات، ٹیکنالوجی اور تربیت سے پولیس کو عوامی خدمت فورس بنائیں گے۔ خواتین، بچوں، اقلیتوں پر تشدد اور ریپ ہماری حکومت کی ریڈ لائن ہے۔
انکا کہنا تھا کہ رشوت خوری کے خلاف میری پالیسی زیرو ٹالرنس ہے، زیرو ٹالرنس اور میرٹ پر کوئی کمپرومائز نہیں ہوگا۔
نومنتخب وزیراعلیٰ پنجاب نے کہا کہ ایف آئی آر کا فوری اندراج اور آئی ٹی نظام کا استعمال مزید بہتر بنائیں گے۔ پراسیکیوشن نظام کی خامیاں بھی دور کریں گے۔
انہوں نے محفوظ پنجاب سے متعلق اپنے وژن کی روشنی میں پالیسی ہدایات جاری کیں۔
اسلام آباد(قدرت روزنامہ)توشہ خانہ ٹو کیس میں سابق وزیراعظم عمران خان کی اہلیہ بشریٰ بی…
لاہور (قدرت روزنامہ )پاکستان سوزوکی موٹر کمپنی جلد ہی ’ بولان ‘ کو بند کرنے…
اسلام آباد (قدرت روزنامہ)اسلام آباد کی تینوں نمائندہ بار ایسوسی ایشنز ہائیکورٹ بار ، اسلام…
لاہور(قدرت روزنامہ ) پاکستانی لیگ سپنر عثمان قادر، جنہوں نے حال ہی میں چیمپئنز ون…
اسلام آباد(قدرت روزنامہ) سپریم کورٹ میں آرٹیکل 63 اے نظرثانی اپیلوں کی سماعت میں پی…
کراچی(قدرت روزنامہ ) ممتاز اسلامی اسکالر ڈاکٹر ذاکر نائیک گزشتہ روز اسلام آباد میں ہونے…