مریم نواز نے وزیراعلیٰ بنتے ہی کئی منصوبوں کا اعلان کیا، صحافی کا مراد علی شاہ سے سوال، جواب کیا ملا؟

نجی ٹی وی جیو نیوز کے مطابق گڑھی خدا بخش میں میڈیا نمائندوں سے گفتگو کرتے ہوئے مریم نواز کے وزیراعلیٰ بنتے ہی منصوبوں کے اعلان کے سوال پر کہنا تھا کہ ہم نے کام کر کے دکھایا ہے، انہوں نے صرف اعلان کیا ہے۔ سندھ میں تیر کا نشان سب پر بھاری تھا، وزیراعلیٰ کا حلف اٹھانے کے بعد پہلا اجلاس امن و امان سے متعلق کیا۔

انہوں نے کہا کہ وزیراعظم کے انتخاب میں شہباز شریف کو سپورٹ کریں گے، ہم ان کے اتحادی نہیں ہیں، وفاقی کابینہ میں نہیں جا رہے۔ پیپلز پارٹی کو جتنے ووٹ پڑے ہیں اتنے کبھی نہیں پڑے۔ ہم نے سندھ میں کام کر کے دکھایا ہے۔ آصف زرداری مارچ میں صدر کا حلف اٹھائیں گے۔