لاہور میں ٹریفک وارڈن نے پی ایچ ڈی کرلی

لاہور(قدرت روزنامہ) ایک اور ٹریفک وارڈن نے دوران ملازمت پی ایچ ڈی کی ڈگری حاصل کرلی۔ ایکسپریس نیوز کے مطابق ایک اور ٹریفک وارڈن نے دوران ملازمت پی ایچ ڈی کی ڈگری مکمل کرلی۔ ٹریفک وارڈن حبیب الرحمٰن نے پنجاب یونیورسٹی سے ساؤتھ ایشن سٹڈیز میں ڈاکٹریٹ کی ڈگری حاصل کی۔ ڈاکٹر حبیب الرحمٰن نے ’’پاکستان چائنہ ریلشنز‘‘ کے عنوان پر تحقیقی و تنقیدی مقالہ لکھا۔
سی ٹی او لاہور عمارہ اطہر نے ڈاکٹر حبیب الرحمٰن کو مبارک باد پیش کی اور تعریفی سند کا اعلان کیا۔انہوں ںے ٹریفک وارڈن کی دوران ملازمت پی ایچ ڈی پر کہا کہ ’ایسے محنت کشوں کو قوم کا سلام‘، وارڈنز کا محدود وسائل اور سخت نوکری کے باوجود تعلیم جاری رکھنا قابلِ ستائش ہے۔
سی ٹی او لاہور عمارہ اطہر نے کہا کہ 31 سو وارڈنز میں سے 150 وارڈنز ایم فل ڈگری جبکہ 10 وارڈنز ڈکٹریٹ ڈگری ہولڈرز ہیں، 80 فیصد وارڈنز نے مخلتف مضامین میں ماسٹرز کئے ہوا ہیں، سٹی ٹریفک پولیس کو تعلیمی قابلیت میں پاکستان بھر میں سب فورسز پر سبقت ہے، ٹریفک وارڈنز نے فرانزک سائنس، مالیکیولر بیالوجی، انگلش لڑیچر کی ڈگریاں حاصل کی ہوئی ہیں، ٹریفک وارڈنز قانون،اکنامکس، ریاضیات، کرمنالوجی، انٹرنیشنل ریلیشنز میں ایم فل کیے ہوئے ہیں۔
ایم فل کی ڈگری رکھنے والے وارڈنز کو ہرماہ پانچ ہزار روپے الاؤنس دیا جارہا ہے، پی ایچ ڈی کی ڈگری رکھنے والوں کو دس ہزار روپے اضافی الاونس دیا جارہا ہے، ٹریفک وارڈنز کی ویلفیئر کو ہرممکن یقینی بنایا جارہا ہے۔