پیٹرولیم مصنوعات کی قیمتوں میں اضافے کا امکان

اسلام آباد (قدرت روزنامہ) پیٹرولیم مصنوعات کی قیتموں میں اضافے کا خدشہ ظاہر کر دیا گیا .

نجی ٹی وی دنیا نیوز کےمطابق یکم مارچ سے پیٹرول کی قیمت 5 روپے فی لیٹر بڑھائی جا سکتی ہے اور ہائی سپیڈ ڈیزل کی قیمت میں 2 روپے اضافہ متوقع ہے، حکام کا کہنا ہے کہ پیٹرولیم مصنوعات کی قیمتیں 2 فیصد بڑھائی جا سکتی ہیں .

بتایا گیا ہے کہ مٹی کے تیل کی قیمت 70 پیسے جبکہ لائٹ ڈیزل آئل کی قیمت 80 پیسے بڑھائی جا سکتی ہے، پیٹرولیم قیمتوں کا حتمی اعلان وزارت خزانہ کی جانب سے کیا جائے گا .