جنت مرزا کی بہن سحر مرزا نے آن لائن نکاح کے بعد شوہر کے ساتھ پہلی تصویر شیئر کر دی

لندن (قدرت روزنامہ) معروف پاکستانی ٹک ٹاکر جنت مرزا کی بہن سحر مرزا نے نکاح کے بعد اپنے شوہر کے ہمراہ پہلی تصویر شیئر کی ہے۔

روزنامہ جنگ کے مطابق سحر مرزا نے اپنے انسٹاگرام اکاؤنٹ کی سٹوری پر یہ خوبصورت تصویر شیئر کی ہے جس میں اس نو بیاہتاجوڑے کو میچنگ رنگ کے لباس میں دیکھا جا سکتا ہے۔

یاد رہے کہ اس سے قبل سحر مرزا اپنے شوہر سے ملنے کے لیے پاکستان سے برطانیہ پہنچی تھیں،انہوں نے ایئر پورٹ سے ایک ویڈیو بھی شیئر کی تھی۔اس مختصر سی ویڈیو میں سحر اپنے شوہر کے ساتھ گلے مل رہی تھیں جبکہ اُن کے شوہر کو ویڈیو میں صحیح سے نہیں دیکھا جا سکا تھا۔

اب سحر مرزانے اپنے فالوورز کا گلہ دور کرتے ہوئے باقاعدہ طور پر اپنے نئے نویلے دولہے کے ساتھ واضح تصویر شیئر کی ہے جسے اُن کے مداحوں کی جانب سے خوب پسند کی جا رہا ہے۔