خضدار: رہنما پیپلزپارٹی حاجی علی حسن ’ڈکیتوں‘ کے ہاتھوں قتل
پولیس نے بتایا کہ ڈاکوؤں نے پیپلز پارٹی رہنما کے گھر سے زیورات، موبائل فون اور دیگر قیمتی سامان لوٹ لیا . ڈاکوؤں نے گھر سے جاتے وقت پیپلز پارٹی کے رہنما پر فائرنگ کر دی جس سے وہ موقع پر ہی جاں بحق ہو گئے جبکہ تمام ڈاکو فرار ہو گئے . پولیس افسر عبدالعزیز کھدرانی نے ڈان کو بتایا کہ یہ ڈکیتی کا واقعہ معلوم ہوتا ہے . تاہم انہوں نے حملے کو ٹارگٹ کلنگ کا واقعہ ہونے کے امکان کو مسترد نہیں کیا، پولیس کا کہنا ہے کہ واقعے کی تحقیقات ابھی جاری ہیں . لاش کو لواحقین کے حوالے کرنے سے قبل ڈسٹرکٹ ہسپتال خضدار پہنچایا گیا . پیپلز پارٹی رہنما کے لواحقین بعد ازاں لاش قومی شاہراہ پر لے گئے جہاں انہوں نے احتجاج کرتے ہوئے خضدار اور کراچی کے درمیان ٹریفک بلاک کر دی . بعد ازاں مقامی انتظامیہ کی یقین دہانی پر لواحقین نے اپنا احتجاجی دھرنا ختم کرتے ہوئے کوئٹہ کراچی شاہراہ کو ٹریفک کے لیے کھول دیا . . .
