پاکستان کو درپیش سکیورٹی چیلنجز سے نمٹنے میں حکومت کی بھرپور حمایت کرے گی،وزیراعظم شہباز شریف

راولپنڈی (قدرت روزنامہ)وزیر اعظم شہباز شریف نے کابینہ کے اہم ارکان کے ہمراہ آج جنرل ہیڈ کوارٹرز (جی ایچ کیو) راولپنڈی کا دورہ کیا .

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل سید عاصم منیر نے وزیراعظم کا استقبال کیا اور انہیں گارڈ آف آنر پیش کیاگیا .

وزیراعظم نے یادگار شہدا پر پھولوں کی چادر چڑھائی، شہداء کو خراج عقیدت پیش کیا .

دورے کے دوران وزیراعظم اور کابینہ کے ارکان نے عسکری قیادت کے ساتھ قومی سلامتی، علاقائی استحکام اور فوجی تیاریوں کے امور پر بات چیت کی . انہیں موجودہ سکیورٹی ماحول، خطرے کے اسپیکٹرم، سکیورٹی خطرات سے نمٹنے اور انسداد دہشتگردی کی جاری کارروائیوں کے بارے میں بریفنگ دی گئی .

وزیراعظم اور کابینہ کے ارکان نے دہشتگردی کے خلاف جنگ میں پاک فوج کی پیشہ وارانہ مہارت، آپریشنل تیاریوں اور قربانیوں کو سراہا اور ملک کی علاقائی سالمیت کے تحفظ اور امن و استحکام کو یقینی بنانے میں پاک فوج کے عزم کو سراہا . وزیر اعظم نے یقین دلایا کہ حکومت مسلح افواج کی آپریشنل تیاری کو یقینی بنانے کے لیے درکار تمام وسائل فراہم کرے گی . انہوں نے کہا کہ پاکستان عروج پرہےاورقیام امن کیلئےمسلح افواج کےکردارکوسراہتےہیں .

ISPR: Prime Minister Shehbaz Sharif accompanied by key members of the Cabinet, visited the General Headquarters (GHQ) Rawalpindi today. The PM was received by Chief of Army Staff (COAS), General Syed Asim Munir, and was presented guard of honour. Floral wreath at Yadgar-e-Shuhada… pic.twitter.com/BpF2gBua92

— Murtaza Ali Shah (@MurtazaViews) March 15, 2024

آرمی چیف نے دورے اور فوج پر اعتماد کرنے پر وزیر اعظم کا شکریہ ادا کیا . آرمی چیف کا کہنا تھا کہ پاک فوج قوم کی توقعات پر پورا اترتی رہے گی اور پاکستان کو درپیش سکیورٹی چیلنجز سے نمٹنے میں حکومت کی بھرپور حمایت کرے گی .

دورے کےاختتام پر سویلین اور فوجی قیادت نے قومی مفادات کو برقرار رکھنے اور خوشحال اور محفوظ پاکستان کے لیے مل کر کام کرنے کے عزم کا اعادہ کیا .