آسٹریلوی کرکٹر ایلیس پیری نے جس کار کا شیشہ چھکے سے توڑا وہ شیشہ انہیں تحفے میں مل گیا

نئی دہلی(قدرت روزنامہ)آسٹریلوی کرکٹر ایلیس پیری نے ویمن پریمیئر لیگ کے میچ کے دوران جس کار کا شیشہ چھکے سے توڑا تھا وہ انہیں ہمیشہ کے لیے مل گیا .

نجی ٹی وی چینل جیو نیوز کے مطابق آل راؤنڈر ایلیس پیری نے ویمن پریمئیر لیگ کے ایک میچ میں چھکا مار کر نمائش کے لیے رکھی جانے والی کار کا شیشہ توڑ دیا تھا .

رائل چیلنجر بنگلور کی آل راؤنڈر ایلیس پیری کے ممبئی انڈینز کے خلاف میچ کے بعد وہ ہی شیشہ انہیں تحفہ پیش کیا گیا . ایلیس پیری کو تحفے میں کار کی ونڈو کا ٹوٹا شیشہ فریم کرا کر دیا گیا، یہ تحفہ کار نمائش کے لیے رکھنے والی کمپنی نے پیش کیا ہے .

واضح رہے میچ میں ایلیس پیری کی آل راؤنڈر پرفارمنس کی بدولت آر سی بی نے ممبئی انڈینز کو پانچ رنز سے شکست دی تھی . ویمن پریمئیر لیگ کا فائنل آج دہلی میں آر سی بی اور دہلی کیپیٹلز کے درمیان کھیلا جا رہا ہے .