متحدہ عرب امارات نے 87 ممالک کےشہریوں کیلئے پیشگی ویزا حاصل کرنے کی شرط ختم کرنے کا اعلان کر دیا

ابوظہبی(قدرت روزنامہ )متحدہ عرب امارات نے 87 ممالک کیلئے پیشگی ویزا لینے کی شرط ختم کرتے ہوئے’ ویز آن آرائیول ‘ کی سہولت دینے اعلان کر دیاہے یعنی ان ممالک کے شہری ریاست میں پہنچ کر اپنا پاسپورٹ دکھانے کے بعد ویزا حاصل کر سکتے ہیں اور انہیں پہلے سے ویزا حاصل کرنے کی ضرورت نہیں ہے ۔

گلف نیوز کے مطابق متحدہ عرب امارات کی وزارت خارجہ کی جانب سے جاری کر دہ بیان میں بتایا گیا کہ جی سی سی کے شہریوں کو ملک کا دورہ کرنے کے لیے ویزا یاسپانسر شپ کی ضرورت نہیں ہے۔وہ یو اے ای کے داخلے کی بندرگاہوں پر پہنچنے پرجی سی سی ریاست کی طرف سے جاری کردہ پاسپورٹ یا شناختی کارڈ دکھا کرکے داخل ہو سکتے ہیں۔

ان تمام 87 ممالک کے شہری اب امارات پہنچ کر موقع پر ویزا حاصل کر سکیں گے اور انہیں پیشگی ویزا حاصل کرنے کی شرط پوری کرنا لازم نہیں ہو گا۔اہل افراد متحدہ عرب امارات پہنچنے پر 10 دن کی رعایتی مدت کے ساتھ 30 دنوں کے لیےانٹری ویزا حاصل کر سکتے ہیں،مزید برآں، منتخب ممالک کے شہری آمد پر 90 دنوں کے لیے ویزا حاصل کر سکتے ہیں۔

پیشگی ویزا سے استثنیٰ کی فہرست میں البانیہ، انڈورا، ارجنٹینا، آسٹریا ، آسٹریلیا ، آذربائیجان ، بحرین ، بربادوس،برازیل، بیلا روس، بیلجیئم، بیرونی، بلغاریہ، کینیڈا، چلی، چین، کولمبیا، کوسٹا ریکا،کروشیا ،قبرص، چیک جمہوریہ، ڈنمارک، ال سلواڈور، ایسٹونیا،فن لینڈ،فرانس،جارجیا،جرمنی،ہونڈوراس،ہنگری،ہانگ کانگ،آئس لینڈ،اسرائیل، اٹلی، جاپان، قازقستان، کریباتی، کویت، لٹویا، لیختنسٹین،لتھوانیا،لکسمبرگ،ملائیشیا،مالدیپ،مالٹا،ماریشس،میکسیکو،موناکو،مونٹی نیگرو،نورو،نیوزی لینڈ، ناروے، عمان، پیراگوئے،پیرو،پولینڈ،پرتگال،قطر، آئرلینڈ،رومانیہ،روس،سینٹ ونسنٹ اور گریناڈائنز،سان مارینو،سعودی عرب، سیشلز، سربیا،سنگاپور،سلوواکیہ،سلووینیا،جزائر سلیمان،جنوبی کوریا، سپین، سویڈن، سوئٹزرلینڈ، بہاماز، نیدرلینڈ، برطانیہ، امریکا، یوکرین،یوراگوئے،ویٹیکن،ہیلینک،بوسنیا اور ہرزیگوینا،آرمینیا،فجی اور کوسوو شامل ہیں۔