شیڈونگ(قدرت روزنامہ)چین میں ایک خاتون دو سال سے ہر رات ہیڈفونز میں موسیقی سنتے ہوئے سوتی آرہی ہیں اور اب ان کی قوتِ سماعت ہمیشہ کیلئے خراب ہوچکی ہے۔
میڈیا رپورٹس کے مطابق شیڈونگ صوبے کی ایک نوجوان خاتون مِس وانگ ایک مقامی کمپنی میں سیکرٹری کے طور پر کام کرتی ہیں۔ حال ہی میں انہیں محسوس ہوا کہ انہیں سننے میں دشواری پیش آرہی ہے جس پر وہ کان کے معائنے کے لیے قریبی اسپتال تشریف لے گئیں۔
انہوں نے ڈاکٹروں کو بتایا کہ جب ان کا سپروائزر میٹنگز کے دوران انہیں مخاطب کرتا ہے تو انہیں اس کی باتیں ٹھیک طریقے سے سنائی نہیں دیتیں۔
ڈاکٹر نے خاتون کا مکمل معائنہ کیا جس سے معلوم ہوا کہ خاتون کے بایاں کان خراب ہوچکا ہے جس سے وہ ٹھیک طریقے سے سن نہیں سکتیں۔
ڈاکٹروں کی جانب سے پوچھے جانے پر کہ کیا انہیں کوئی حادثہ پیش آیا ہے یا ان کے کان میں طویل عرصے تک بلند آوازوں کا شور آتا رہا ہے؟ جس پر محترمہ وانگ نے کہا کہ وہ ہر رات کانوں پر ہیڈ فون لگا کر موسیقی سنتے ہوئے سوجایا کرتی تھیں۔
انہوں نے بتایا کہ جب میں کالج میں تھی تو مجھے میوزک سنتے ہوئے سو جانا پسند تھا۔ یہ ایک عادت بن گئی ہے اور میں تقریباً دو سال سے ایسا کر رہی ہوں۔
تاہم خوش قسمتی سے خاتون کا صرف بایاں کان متاثر ہوا ہے تاہم انہیں بہتر سننے کے لیے اب زندگی بھر ہیئرنگ ایڈ پہننا پڑے گی۔
سیالکوٹ (قدرت روزنامہ)سابق صدر عارف علوی نے کہا ہے کہ ہمارے پاس 9 مئی کے…
اسلام آباد(قدرت روزنامہ) سپریم کورٹ فیض آباد دھرنا نظرثانی کیس میں کمیشن کی رپورٹ پر…
پشاور(قدرت روزنامہ)پی ٹی آئی رہنما تیمور سلیم جھگڑا نے کہا ہے کہ فوج ہماری ہے،…
گلگت (قدرت روزنامہ)وفاقی وزیر امور کشمیر و گلگت بلتستان انجینئر امیر مقام کا کہنا ہے…
لاہور (قدرت روزنامہ)سابق اسپیکر اور صدر پیپلز پارٹی وسطی پنجاب راجا پرویز اشرف نے کہا…
اسلام آباد(قدرت روزنامہ) بین الاقوامی مالیاتی فنڈ ( آئی ایم ایف) کا کہنا ہے کہ…