ساحلی علاقوں میں بارش و طوفان کا خطرہ‘ ماہیگیروں کو سمندر میں جانے سے روک دیا
محکمہ موسمیات نے پیش گوئی کی ہے کہ طوفانی بارشیں کراچی میں اربن فلڈنگ کا باعث بن سکتی ہیں، اس کے علاوہ بدین،ٹھٹھہ، حیدرآباد اور دادو سمیت لسبیلہ، سونمیانی، اورماڑہ،پسنی،گوادر،تربت اور جیوانی میں بھی طوفانی بارشوں کے باعث اربن فلڈنگ کا خطرہ ہے . محکمہ موسمیات کے مطابق 30 ستمبر سے 3 اکتوبرکے دوران سمندر میں طغیانی اور کبھی انتہائی طغیانی رہنیکا امکان ہے، اس لیے ماہی گیر 30 ستمبر سے 3 اکتوبر کے دوران سمندر میں جانے سے گریز کریں جبکہ کمشنر لسبیلہ انتظامیہ کی طرف سے ڈام بندر اور گڈانی کے ماہی گیروں کے لیے اطلاع کی گئی ہے کہ آج سے 2 اکتوبر تک سمندر میں طوفان(گلاب) متوقع ہے اس لئے ماہیگیر اس دوران سمندر میں جانے سے گریز کریں جبکہ ساحل کنارے پر واقع آبادیوں کے بھی متاثر ہونیکا اندیشہ ہے انہیں بھی احتیاطی طورپر محفوظ مقام پر منتقل ہونیکی ہدایت کی گئی ہے . دوسرا انٹرومکران/ گوادر(نمائندہ خصوصی+ بیورورپورٹ) سندھ، بلوچستان کے ساحلی علاقوں میں طوفانی بارشوں اور اربن فلڈنگ کا خطرہ، سمندر میں شدید طغیانی کے باعث ماہی گیر کل 30 ستمبر سے 3 اکتوبر تک گہرے سمندر جانے سے گریز کریں، طوفانی بارشوں سے ندی نالوں میں طغیانی اور سیلابی صورتحال کے پیش نظر شہری غیر ضروری سفر کرنے سے گریز کریں، محکمہ موسمیات کے مطابق شمال مشرقی بحرہ عرب میں ہوا کے کم دباؤ کے باعث سندھ اور بلوچستان کے ساحلی علاقوں میں طوفانی بارشوں کا امکان ہے اور اربن فلڈنگ کا خطرہ ہے، موسمیات کے مطابق 2 اکتوبر تک سندھ میں مون سون ہوائیں اثر انداز ہونے کا امکان ہے کراچی سمیت سندھ کے مختلف علاقوں میں آج سے 2 اکتوبر کے دوران بارشیں ہوسکتی ہیں، محکمہ موسمیات کے مطابق بلوچستان کے مختلف اضلاع میں خاص طور پر لسبیلہ، سونمیانی، اورماڑہ، پسنی، گوادر، تربت اور جیونی میں کل 30 ستمبر سے 30 اکتوبر تک تیز بارشوں کا امکان ہے جو اربن فلڈنگ کا باعث بن سکتے ہیں، محکمہ موسمیات نے خبردار کیا کہ کل 30 ستمبر سے 3 اکتوبر تک ماہی گیر گہرے سمندر میں جانے سے گریز کرے کیونکہ اس دوران سمندر اور ندی نالوں میں شدید طغیانی کا امکان ہے، اور ان علاقوں کے شہری غیر ضروری سفر کرنے سے بھی گریز کریں . گوادر سے بیورورپورٹ کے مطابق گوادر، سمندری طوفان کے پیش نظر ماہی گیروں کو سمندر میں شکار پر جانے سے منع کیا گیا . تفصیلات کے مطابق محکمہ فشریز گوادر نے اپنے ایک مراسلہ کے ذریعے ضلع گوادر کے تمام ماہی گیروں کو اطلاع دی ہے کہ محکمہ موسمیات نے اطلاع دی ہے کہ سمندری طوفان (گلاب) کی اطلاع ہے جس کے اثرات ساحل گوادر میں پڑنے کے باعث سمندر رف اور اونچی لہریں پیدا ہونے کا قوی امکان ہے . لہذا تمام ماہیگیروں کو کسی بھی طرح کی ممکنہ نقصان سے بچاؤ کے لیے 28 ستمبر سے 2 اکتوبر تک گہرے سمندر میں شکار پر جانے کے لیے منع کردیا گیا ہے . . .
