اسلام آباد (قدرت روزنامہ)”جب میں پیدا ہوئی تو آپ نے میری شکل تک نہیں دیکھی. آپ کا دل نہیں کیا کہ آپ اپنی بیٹی کو دیکھیں”۔
یہ شکوہ ہے صاحبہ کا جو زندگی میں پہلی بار اپنے والد سے ملیں. اس موقع پر صاحبہ کے والد امام ربانی گاڑی سے اترے تو صاحبہ فوراً ہی روتے ہوئے ان کے گلے لگ گئیں. صاحبہ نے باپ سے شکایت کرتے ہوئے پوچھا کہ “میرا کیا قصور تھا”
واضح رہے کہ ماضی کی مشہور اداکارہ صاحبہ نے 42 سال میں پہلی بار اپنے سگے باپ سے ملاقات کی. اس حوالے سے یوٹیوب پر وی لاگ شئیر کرتے ہوئے لکھا کہ ’11 مارچ کو میری زندگی کا ایسا وقت آیا جو میری زندگی میں پہلے کبھی نہیں آیا. اس سال میں زندگی میں پہلی بار فادرز ڈے مناؤں گی”۔
وی لاگ کے ایک منظر میں امام ربانی صاحبہ کو مخاطب کرتے ہوئے کہتے ہیں کہ “تمہارے لیے میری سانسیں بچی ہوئی ہیں، اب تو مجھ سے چلا بھی نہیں جاتا، اللہ نے ملانا تھا۔ میں صرف چاہتا تھا کہ جاتے ہوئے تم سے معافی مانگ لوں، مجھ سے بہت بڑا قصور ہوگیا، اتنی عمر گزر گئی، تم بھی کچھ بولو”۔
جس کے جواب میں صاحبہ کہتی ہیں کہ کچھ نہیں، آپ مجھے پھر چھوڑ دیں گے”۔
امام ربانی کا کہنا تھا کہ انہیں گھر میں کوئی داخل نہیں ہونے دیتا تھا تو وہ کیا کرتے، قبر میں ٹانگیں ہیں بوڑھا ہوگیا ہوں”۔
یاد رہے کہ صاحبہ اداکارہ نشو کی بیٹی ہیں جن کی پہلے شوہر سے بیٹی کی پیدائش سے پہلے ہی طلاق ہوگئی تھی. صاحبہ ایک انٹرویو میں یہ بات کہہ چکی ہیں کہ ان کی پرورش ان کے سوتیلے والد نے کی جو بہت اچھے تھے.
اسلام آباد (قدرت روزنامہ)موسم کی تبدیلی یا کوئی اور وجہ لیکن حقیقت یہ ہے کہ…
اسلام آباد (قدرت روزنامہ)عام انتخابات کے نتائج کے بعد کوئی بھی سیاسی جماعت اس پوزیشن…
اسلام آباد (قدرت روزنامہ)سوشل میڈیا کے دور میں جہاں پاکستان اور بھارت کے حوالے سے…
کوئٹہ(قدرت روزنامہ)بلوچستان ہائی کورٹ میں آئینی درخواست نمبر 1338/2019 پر جسٹس عبداللہ بلوچ اور جسٹس…
کوئٹہ(قدرت روزنامہ)کوئٹہ پولیس کی اشتہاری مفرور سنیچرز نامزد اور غیر قانونی اسلحہ رکھنے والے ملزم…
بولان(قدرت روزنامہ)موٹر وے پولیس کی ایک مسافر گاڈی کو ایک ہزار چالان کرنے اور ناروا…