وہاڑی(قدرت روزنامہ) تھانہ صدر کی حدود میں مبینہ پولیس مقابلے کے دوران 34 سنگین مقدمات میں ریکارڈ یافتہ 2 ڈاکو ہلاک ہو گئے۔ ایکسپریس نیوز کے مطابق پولیس ترجمان کا کہنا ہے کہ تھانہ صدر کی حدود میں مبینہ پولیس مقابلے کے دوران 34 سنگین مقدمات میں ریکارڈ یافتہ 2 ڈاکو ہلاک ہو گئے۔ ہلاک ہونے والے ملزمان نے چند روز قبل ممبر ڈسٹرکٹ بار وہاڑی ملک جواد لنگڑیال ایڈوکیٹ کو دوران واردات فائرنگ کر کے قتل کر دیا تھا۔
پولیس ترجمان کا کہنا ہے کہ ہلاک ہونے ملزمان قتل، ڈکیتی سمیت 34 سنگین مقدمات میں ریکارڈ یافتہ تھے، ملزمان علاقے میں خوف کی علامت سمجھے جاتے تھے اور دوران واردات شہریوں پر فائرنگ کرنے سے گریز بھی نہ کرتے تھے۔
پولیس کے مطابق ہلاک ہونے والے ڈاکوؤں خورشید اور شہباز کو تھانہ صدر وہاڑی کے مقدمہ نمبر 305/24 میں آلہ قتل پسٹل 30 بور کی برآمدگی کے بعد واپس لایا جا رہا تھا کہ چک نمبر 22 ڈبلیو بی کی حدود میں ملزمان کے 3 نامعلوم ساتھیوں کو پولیس کی حراست سے چھڑوانے کے لیے سیدھی فائرنگ کر دی، فائرنگ کے تبادلہ کے دوران اپنے ساتھیوں کی اندھا دھند فائرنگ سے ملزمان خورشید اور شہباز ہلاک ہو گئے۔
ڈی پی او عیسیٰ خان نے بتایا کہ ہلاک ہونے والے ملزمان کے ساتھیوں کی گرفتاری کرنے کے لیے خصوصی ٹیمیں تشکیل دے دی گئی ہیں جب کہ ہلاک ہونے والے ملزمان کو پوسٹ مارٹم کے لیے ہسپتال منتقل کیا جا رہا ہے۔
ممبئی(قدرت روزنامہ) بالی ووڈ اداکارہ سوناکشی سنہا اور ظہیر اقبال ان دنوں ہنی مون پر…
اسلام آباد (قدرت روزنامہ) وزیراعظم میاں محمد شہباز شریف قازقستان سے وطن واپسی پر آل…
اسلام آباد (قدرت روزنامہ) پی ٹی آئی کا 6 جولائی کو وفاقی دارالحکومت کے علاقے…
اسلام آباد(قدرت روزنامہ)ملک میں ادویات کی قیمتوں میں سالانہ بنیادوں پر 23.33 فیصد کا اضافہ…
ممبئی(قدرت روزنامہ)بالی ووڈ کی سینئر اور ورسٹائل اداکارہ شبانہ اعظمی نے کہا ہے کہ ان…
اسلام آباد (قدرت روزنامہ) این ڈی ایم اے نیشنل ایمرجنسی آپریشن سینٹر نے ملک کے…