وادیٔ نیلم میں موسلادھار بارش، دریا، ندی، نالوں میں سطحِ آب بلند

اسلام آباد (قدرت روزنامہ)وادیٔ نیلم میں موسلادھار بارش کے بعد دریائے نیلم، جاگران، سرگن شونٹھر ندیوں کی سطح بلند ہو گئی . وادیٔ نیلم کےضلعی ہیڈکواٹر آٹھ مقام کے زیریں علاقوں میں شدید بارش اور پہاڑوں پر برف باری ہوئی .

آٹھ مقام کے سیاحتی مقامات، اپر نیلم، اڑانگ کیل، گریس ویلی میں بارش ہوئی . آٹھ مقام میں شدید بارش کی وجہ سےشاہراہ نیلم پر پھسلن سےٹریفک کی روانی متاثر ہے تاہم شاہراہ نیلم سمیت رابطہ سڑکیں آمد و رفت کے لیے بحال ہیں .
ذرائع کے مطابق آٹھ مقام پر موسلادھار بارش سے متعدد علاقوں کی بجلی بند ہے جبکہ ٹیلی فون اور انٹرنیٹ سروسز بھی متاثر ہیں .