کراچی (قدرت روزنامہ)کراچی کے علاقے لانڈھی کی مانسہرہ کالونی میں غیر ملکی شہریوں کی گاڑی کے قریب دھماکا ہوا، جس کے نتیجے میں 2 افراد ہلاک اور 2 سیکیورٹی گارڈ زخمی ہوگئے ہیں۔
آئی جی سندھ کا کہنا ہے کہ گاڑی پر خودکش حملہ ہوا ہے، دھماکے کے بعد پولیس اور ریسکیو ٹیمیں جائے واقعہ پر پہنچ گئی ہیں اور امدادی سرگرمیاں شروع کرکے واقعے کے زخمیوں کو ہسپتال منتقل کیا جا رہا ہے۔
ان کا کہنا تھا کہ نامعلوم افراد نے ایک گاڑی کو نشانہ بنایا جس کے قریب 5 جاپانی شہری ہائی روف میں سفر کر رہے تھے، دھماکے کے نتیجے میں تمام غیر ملکی شہری محفوظ رہے۔
آئی جی سندھ نے دھماکے کو خود کش حملہ قرار دیتے ہوئے کہا کہ ’خود کش حملہ جاپانی شہریوں کی گاڑی کے قریب ہوا، دھماکے کے وقت فائرنگ بھی کی گئی، تمام غیرملکی محفوظ ہیں۔‘
دوسری جانب ایس ایس پی ملیر طارق الہیٰ نے بتایا کہ تمام غیر ملکی شہری ایکسپورٹ پروسیسنگ زون جارہے تھے، غیر ملکی شہری روزانہ یہاں سے گزرتے تھے، 3 حملہ آور تھے، جن میں 2 ہلاک ہوگئے اور ایک فرار ہوگیا۔
ایس ایس پی کا کہنا تھا کہ ایک دہشت گرد نے خود کو دھماکے سے اڑایا، دوسرا دہشت گرد پولیس مقابلے میں مارا گیا۔
پولیس کے مطابق ہلاک ہونے والے افراد کی شناخت نہیں ہوسکی جب کہ 2 سیکیورٹی گارڈ بھی زخمی ہوئے ہیں جنہیں ہسپتال منتقل کردیا گیا ہے۔
اسلام آباد (قدرت روزنامہ)مشہور کمپنی ہنڈا کی جانب سے الیکٹرک گاڑیوں میں سرمایہ کاری کو…
اسلام آباد (قدرت روزنامہ)سابق وزیر اعظم عمران خان اور بشریٰ بی بی کیخلاف نیب کی…
اسلام آباد(قدرت روزنامہ)ملک میں انسدادِ بدعنوانی کے سب سے بڑے ادارے قومی احتساب بیورو (نیب)…
اسلام آباد (قدرت روزنامہ)لاہور میں پبلک ٹرانسپورٹرز نے ڈیزل کی قیمتوں میں کمی کے بعد…
اسلام آباد (قدرت روزنامہ)امریکا میں مویشیوں سے انسان کو برڈ فلو لگنے کا پہلا کیس…
اسلام آباد (قدرت روزنامہ)منڈی بہاالدین کے نواحی علاقے نورپور پیراں کے قریب کشتی الٹنے سے…